" صد الخوي "

,,,

مساكم فل ويا سمين يالربع ,,, وعساكم دوم متعافين ,,,


مرورها ... ولكم مني الود

[poem=font=",5,darkred,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
مقشر من الضيقه على غير حاجه = ألا إلى صد الخوي وأنت محتاج
لا جيت له شفقٍ وعقّد إحجاجه = في ساعةٍ مالك من الضيق مخراج
ومن الردا حطّك بعنق الزجاجه = وعن حاجتك يبني معاذير وسياج
وعوّرك في كبدك بكثر اللجاجه = هرجه كثير ولا وراء هرجه إنتاج
لا ضاق وقتك فيك وأحكم إسياجه = عليك باللي بالعطاء مثل هدّاج
اللي إلى جيته تشوف إبتهاجه= وعن لازمك ما صك بابه بمزلاج
مالك ومال اللي إعلومه سماجه = اللي بكفّه طقّ صدره وهو داج
اللي يضيّع صيدته في عجاجه = وإسمه مع إزحول الرياجيل هلباج
بعض المواقف تنتهي بنتواجه = وألا بعضها يا عرب ذنب وإحراج
الموجعه تبطي ويبطي إعلاجه = بس الخيانه مالها طب وعلاج
الحر ينفع والدجاجه دجاجه = ولمع الذهب ماهو مثل لمعة الصاج
وكلٍ على ما قيل يعرف خراجه = دام القمر بيدك فلا تشعل إسراج
والليله اللي ظلمته من سراجه = ما ظنّتي للشمع والنور تحتاج
أسود من الحرقه على كف صاجه = وأنكد من اللي حطه الهم مسهاج
ما فيه ضيق ألا وراه إنفراجه = شيٍ من الله صبح الأيام ينباج
إلى إنتصف ليلك توّقظ وناجه = وإطلب من الله تالي الليل الافراج [/poem]

فهد الغنام الشمري


rshodevip@hotmail.com

,,,,,,,,,,,

الله الله الله

الله الله الله

الله الله الله


ماورانا الأيام ذي الا المطامر على مشاركاتك

وصدقني ماللمعرفه دخل والفضل كله لله ثم لبدعك الراقي

صح لسانك مليار

مـــا فـيــه ضـيــق ألا وراه إنـفـراجــه
شــيٍ مــن الله صـبـح الأيــام يـنـبـاج
إلــى إنتـصـف لـيـلـك تـوّقــظ ونـاجــه
وإطلـب مـن الله تالـي اللـيـل الافــراج


يا سلام

ثاني مشاركه لك وكلهن طيبات والله صح لسانك ولا هنت

ابو راشد

والله انك بحر

في قلب طميه

مرحبا يابو راشد تراحيب المطر

وصحّ لسانك مدد مدد يا سنايدي

والشهاده فيك منحوره من ضاري

شاعر جزل وقصيدك يطرب السامع

تحيتي,,,,,

الله الله الله الله الله

والله انها قمممه يافهد


شاعر تلفت الانتباه وتحصد الاعجاب


الله يزيدك
ولاتبخل على اخوانك

وسلم لي نفسك

صح لسانك يافهد ونص جزل نتمنى لك التوفيق ,,

تقبل اجمل تحية .....

الله الله الله الله الله الله الله الله

شاعر يافهد شاعر ,

ولله درك يامبدع ,

وصح لسانك مليون في مليون و

ودمت بخير ,

فهد حظورك قمه وانت قمه وشعرك قمه




وننتظرك بلاشك

فهد الغنام

انت شاعر متمكن ولك فالشعر بصمه واضحه

مع ان شهادتي فيك مجرووحه الا ان الحق يقال

لله درك

تحياتي