[ معزّي زمـــــــــانه !! ]

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
اللي بتونس صار وأرض الكنانه = والشام / والسودان ... وأحداث لبنان ..
وفي ليبيا ... ثارت بعد ... زوبعانه = طار اليمن معها ... تباريه ... طهران ..
واليوم بالبحرين ... صارت خيانه = وشوارع الجهرا / شكت وأبكت عمان ..
أحداث دارت / بين صمت ... وإدانه = والعالم يراقب / والأصلاح ... عنوان ..
وحنا بفضل الله .. وأمنه وأمانه = في ظل [ عبدالله ..] سلايل / كحيلان ..
اللي غمر شعبه .. بطفرة حنانه = ورجح كفوف العدل / في كل ميزان ..
شف كيف شعب المملكه عز شانه = وخلا لهم .. مابين كل الدول ... شان ..
به حكمه وحنكه وطيب ... ورزانه = وله هيبةٍ يرضخ لها الأنس / والجان ..
الحق سيفه .. والزعامه / حصانه = والدين رايه .. غزها / بكل ميدان ..
اللي يجي باللين ... جاه بليانه = ومن لايجي باللين ضايع وخسران ..
له في قلوب الشعب .. قدر ومكانه = ومحبةٍ ... يدري بها .. دون / برهان ..
وحبه لهم درع / وشموخ وحصانه = ومحبةٍ تكبر /... على مر ... الأزمان ..
غطى على شوك الزمن / قحويانه = وزين صباح المملكه / بكل الألوان ..
ان قلت ابو متعب (معزّي) زمانه = عز الله انه صدق ... مانيب / غلطان ..
من ساس قومٍ ... مالحقهم مهانه = (ويلان من ويلان من ساس ويلان*)
الروح قبل الشعر / رهن لبنانه = ياعل تفداه / القوافي ... والأوزان ..
جلبت من بحر التعابير ... دانه = تفخر بمدحك / يافخر كل الأوطان ..
[/poem]

مابين الأقواس لـ الشاعر الكبير عبدالله بن عبار