يا طارد الدنيا على وين رايح !!

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا طارد الدَنيا على وين رايح ؟!!= ما قدمك الا الموت قطَاع سيفه
طبع السنين امغرَرة كل جايح = لاهل الرسن ماهي ذلولٍ عسيفة
ان كان قصدك فالحياة المدايح = المدح لا اصحاب القلوب النَظيفة
اللي مجالسهم حديث ونصايح = فيها العلوم الغانمة والشَريفة
ماهوب للجرَب هزال القرايح = ابليس يجمعهم على كل جيفة
عاداتهم نشر الفتن و الفضايح =مرضا القلوب امسوَدين الصحيفة
امشاركين امبرمجات الشرايح = فاخبارها المتفبركة والضعيفة
قلته بعيد اعن اللغط والصوايح = ما هن بلي لاهل العقول الخفيفة
إليا هوى من قوَ الاعصار طايح = ثبت مثل الشامخات المنيفة
ولا لاح لي من شهب الآيام لايح = اصبر على صكَات بقعا العنيفة
هذا وصدري من عنا الوقت فايح = ايلافح الهيف الحرور السفيفة
من ضيقته ضاقت عليَ الفسايح = الواسعات الخاليات المريفة [/poem]

هزاع العتيبي