ذكـريـــات الغـــــلا...

المشاركه الثانيه

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انا البارحه مامسيت ليلي حزن وهموم=هواجيس جابتني والأخرى توديني
سرا نص ليلي كني التايه المنجوم=أحاول على الجنبين ماغمضت عيني
ليا جيت ابرقد واتهنا بحلو النوم=طرالي وليف دونه البعد حاديني
حجز تذكرة فرقاي فآخر ليال الصوم=قبل فرحةٍ بالعيد ماهيب تعنيني
مضى لي ثلاث شهور مااوحيت عنه علوم=وحبل الوصل مقطوع مابينه وبيني
يناجيه قلب في بحور الهموم يعوم=مابين الرجا والياس والناس ممسيني
أعد الشهور القاسيه يوم يتبع يوم=وتأثير تعذيب الهوى بينٍ فيني
تعبنا وملينا وكثر العتب واللوم=كلام يجي ويروح مايقضي الديني
ولا نخلف الواقع ولا نخلق المعدوم=انا في رجا ساعة وصال المحبيني
ابا اصبر واقاسي لأجلها لوعة المحروم=قبل لا تروح الروح لن كان يمديني
على شوفتك يانفحة الورد واليشموم=ابا اسوق لك حالي وما تملك يديني
ألا يامراد العاشق الغارق المهيوم=حرام الغرام اللي صنع بسمة سنيني
تقفيبه الأيام ويقال له مرحوم=ضحية قدر ومصادفه حظي الشيني
ولكن ترى سر الغلا فالحشا مكتوم=دروس الحياه اللي تعلمت تكفيني
أبجمع بقايا ذكريات الغلا المرسوم=وابا احطها في خافقي بين قوسيني[/poem]

فهد بن عبدالله

smo55115@hotmail.com

.
فهد عبدالله
.
قريت لك قبل كذآ
.
مبدع بكل مآتعنيه الكلمة
.
صح لسآنك
.