ماله شبيه إلا القمر يوم يكتمل

السلام عليكم ورحمة الله وبركاته

أرشيفيه للتواصل

..



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله على اللي ماعرفنا نحايله=غروٍ صغير ونادراتٍ فصايله

غروٍ يسلهم في عيونه ويبتسم=ومن الحيا بيديه ماسك جدايله

ماله شبيه الا القمر يوم يكتمل=والناس قامت من حلاته تخايله

ماودي أسرد في وصوفه وأقولها=وصفٍ ذكرت ووصف ماني بقايله

أتعب عيوني قبل يجذب مشاعري=من بعدها صادنْ قلبي حبايله

لا والله الا طحت فالعشق والهوى=والعشق سامع في عناه وهوايله

يابو هيا تكفى تفكر بحالتي=شف حالتي من صاحبي كيف قايله

أنت الرفيق اللي خبيرٍ بعلّتي=وأنت الوحيد اللي تنومس فعايله

وأنت الرفيق اللي غزيره مشاعره=وأنت الوحيد اللي دواي ابمثايله

أفزع لبن عمك ترى قلبه انسرق=ماعاد هو من بين الأضلاع شايله

قفّى به اللي ماعرف وين وجهته=مدري من أيّتْ دار وأيّات عايله

وأن كان مابيديك حلٍّ لصاحبي=يغنيني الله عنه وألقى بدايله

من خلْقَت الدنيا وذي حالة البشر=ناسٍ تطول وناس ماهي بطايله[/poem]

..