شمس إعصير

السلام عليكم ياهل المرقاب ..وان شاء الله نكون على قد الهقوه ..فينا ,,

نبداء معكم في هالنص المتواضع

[poem=font=",5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
(البارحه ما بين خذها وذقها) = بين الهموم وبين قل التوافيق
من يوم شمس إعصير روّح شفقها = وأنا اتبيّن للغرابيل وأويق
الأوله ياكود نمسك شنقها = والثانيه بدقيّقات المعاليق
والثالثه عميا وطرما وصقها = افتح لها باب المشاريه ويضيق
شيِ قضب نفسي وجوّد وثقها = يا طول ليل المبتلي والعشاشيق
ويوم إرتكى همّي ونفسي شنقها =اغيب من كثر الغرابيل وأفيق
والموق دمعات الغبينه دفقها =ماعاد للخوّه عهود ومواثيق
ودام إختلط ريحانها مع عرقها=وأنا على دلّه وفنجال وإبريق
يا هاجسي هات المعاني وسقها = الليل توّه والسعد بالطواريق
إن كانها بانت وبيّن نسقها = كتبتها لعيون ناسٍ مطاليق
وإن مرّها شعفٍ قويّ وصفقها =ماني معوّدهم تجيهم خثاريق
إحفر لها بين المحاني نفقها = وإدفن جسدها بالضلوع المغاليق
لا حسّت الهرجه لساني نطقها =طيّرتها وأطلقت معها المسابيق
بعض اللحى موس المحلق حلقها = لو غطّت الغربان فيها الغرانيق
وبعض اللحى تكرم وربي فرقها = أطهر من الورده بروس الزماليق
يا صاحبي حسنات حبك محقها =هجرٍ له الغيبه علامه وتوثيق
بعض البنِي شرٍ على اللي عشقها = حبه يعلّ القلب وينشّف الريق
مثل الشجروإن حت منها ورقها = تنعاف لوّ إغصون قلبه مواريق
واليوم واللي سبع الأبحر فلقها = إني عن الشرهه قفلت الصناديق
روحي وقصة حبك اللي حرقها = إنّ الغلا فيها مزيّف وتلفيق
وإن ضاقت الدنيا ودبّل زهقها = مال الحرار ألا علوّ الشواهيق
يارب ياللي كل الأمه خلقها = يا واحدٍ بيديه رزق المخاليق
إلطف بنا والروح بتلا رمقها = لا صرت بين الغرغره والتشاهيق [/poem]


[align=center]أخوكم ومحبكم .. فهد الغنام الشمري ..


وإلى الملتقى








,,[/align]