تــرحــال وشـديـد

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
السحاب اللي تكاشح نور برقه من بعيد = مابغيت اسج رجلي يم نوه ورعده
أه ياذاك الحمام اللي على خضر الجريد = ماسرى ليلك وهمك بين قومه وقعده
ليت لي جنحان مثك واتغرهد بالنشيد = كان مالاع الحشا همً على القلب نكده
لي زمانً والله ان كني مع العالم وحيد = لاذكرت اللي تعلا قمت القلب وتده
ياصباح الخير مدري يامسى الليل السعيد= ياتفاريد الخيال وياخيال المفرده
ياسنا برق السحاب وشرقة الصبح الجديد= ياتغاريد الصباح اللي بحبك تسمده
محسنً ضني وخاب الضن فالضبي الفريد = واتمنى حلم ليلً حال حوله وخمده
ماجنيت من الهوى ياكود ترحال وشديد = اردف الونات ودموع العنى مستشهده
ياعذابي كان جف الدم في الحبل الوريد = وحاجتي في كف غروً محكمً قبضة يده
سائله باللي خلق خلقه وكون مايريد = ليه يشعل في خفوقي نار عشقً موقده
الكلام يطول بس الزاد به شيً زهيد = وكان مارخيت المسامع مامليت المزوده
لا دهاك الكذب وان لم تستح افعل ماتريد = الصحيح ان المنافق ماصدق عهد وعده[/poem]