حبل التفاكير !!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

البارح الهاجس عيوني تحايله = تبغى تريّح مير عامل عمايله

في كل ليلة بين ونّة وتنهيدة = خلف الضّلوع العوج تسري رحايله

وارخي لها حبل التفاكير واشدّه = في ظفّة انهارٍ من الدمّ سايلة

اعروق قلبي والوريد وشراييني = ينبض بها جرحٍ من العام شايله

جرحٍ ليا هبّت هبوبٍ من القبلة = اتحطّ يدها فوق : فحوى رسايله

وابثّها عبر المواويل والموجة := فيض القريحة والهجوس وجزايله

بثٍّ على بكر الشرايد تردّده = يحجب عرب سات ( المكرّر ) ونايله

ايداوي اكبود الجزايل ويبريها = من علّة اضعاف الشّعور وهزايله

ياعلّ يفدا قافه الخبل والخبلة = لا اسرج على قفر الفيافي آصايله

هجسٍ ليا منّه سرا ما تقول اّلا= ذيبٍ على قطع الخرايم صمايله

آليا عوا فوق المراقيب لو عوية = يفضخ قلوب اللّي للاضغان كايلة

ناسٍ تحسب انْها تبا تكسب السّمعة= لا غرّها من صاغ فيها مثايله

أليا تقدّم للمنابر ومجدّها = توهمّت بانْها للآمجاد طايلة

يجيك واحدهم ياما اكثر سوالفه = وقت الرخّا والجد صفرٍ فعايله

لا دارت الآيام مثل الرّحى دورة = بانت حقيقة كل عرجا ومايلة

ماهو كفو للحرّ بومٍ ولد بومة = الخرب خربٍ لو تصقّر سلايله

يطيح من عين السّطر و العصامية = في ساعةٍ فيها الصواديف هايلة

اخطارها الشتّى ( محكّات فاصلة ) = رايات مرفوعة .. ورايات زايلة

اشوف روسٍ آينعت وين قاطفها= بالسيف الآملح تنلطم كلّ عايلة

ردع العدا بالحزم واحد ورا الثاني = جهاد مشروعٍ بشتّى وسايله

ما فالضّعافة خير لا رحم مجناها = ولا خير في زندٍ ما تالع فتايله

صريح واحب الصّراحة واقدّرها = واقدّر اللّي تعتبر من شمايله

تقويم لخطا واسع المعرفة لخطا = رجلٍ بعيد اشبوح ترفا خمايله

بالعفو ماهو بالحْيَلّ والمجاملة = الغالي اليا زلّ تذكر جمايله

مثل الرّفيق اللّي تجلّى صداقته = لا شفت في رحلة زمانك هوايله[/poem]

هزاع الشيباني

صح لسانك ياهزاع الشيباني

نص جزل من شاعر جزل

مبدع

لاهنت