جيشنا الباسل

السلام عليكم ورحمه الله وبركاته
قصيده مشاركه..

سلام منّي على دار الكرم والاسِوود
المملكه عزّنا عن حبها مانتوب

الله يحرس الوطن من كل شر وحسود
ومن كل طامع ومن هول الفتن والكروب

وسلام مني على الجيش الابي الصمود
اعداد ماينهمر وبّال مزن ٍ سكوب

جيش ٍ رفع راية التوحيد فوق العمود
له هيبة ٍ هزّت العالم بوقت الحروب

الحزم والعزم فالميدان اكبر شهود
العاصفه قاسيه وقت الهجوم الدؤوب

ياجيشنا الباسل اكعام العدو اللدود
انتم هل الحرب والله لوّ شبّت شبوب

افعالكم شامخه من ماضيات العهود
عدوكم يندحر يرجع ذليل امغلوب

الكل منكم عن الحد الجنوبي يذود
ارخصتوا الروح فدوة فالنهار الشحوب

الصف واحد وله هيبه ويرعد رعود
ماهمّكم فالملاقا نافخيين الذروب

تعيش ياجيشنا الصنديد حام الحدود
حميتوا الحد كله من شمال وجنوب

والشعب دون الوطن فوجيه الاعدا جنود
حب الوطن ساكن ٍ بعروقنا والقلوب
محمد مرزوق السميري

.. .. .. ..

.............