لابوه حرفٍ مالراعيه منفوع

[ALIGN=CENTER]بسم الله ,,,
0000
000
00
0[/ALIGN]

[poet font="Simplified Arabic,5,black,normal,normal" bkcolor="transparent" bkimage="backgrounds/13.gif" border="none,4,gray" type=2 line=350% align=center use=ex length=0 char="" num="0,black" filter=""]
ياعيد يوم ان المخاليق هجاع = جبت القلم واوقدت لي عشرة شْموع
لاصار نوم العين للعين ماطاع = والقلب من صكات الايام مفجوع
والله لَسَيّر للقلم مركب شراع = وابْحِر وَاجَمِّعْ شي ماهوب مجموع
وانظم حروفٍ تطرب لهن الاسماع = ويصير حرفي لاصدعتبه مسموع
وان كان صيته مع هل العرف ماشاع = لابوه حرفٍ مالراعيه منفوع
يقفي يعلّه مايلوّح بمرجاع = ماكنه الا شربة الما على الجوع
قلته وانا اللي من عنا الوقت ملتاع = والهم يعصف بي من اسبوع لسبوع
هم ٍّ ثقيل وللمعاليق نزّاع = تلّ الخفوق ولاوقف دونه ضْلوع
نقّض جروحي وابتدا ليل الاوجاع = ولاظنتي مثلي منه صار موجوع
اقنب قنيب الذيب في كل مطلاع = واسهر بليلٍ يشغل الفكر ويروع
مانلت مطلوبي ولاني بطمّاع = والوقت مايمشي على الكيف والطوع
وانا هوى الدنيا حذفته بمقلاع = من عادتي ماامشي لها بذل وخضوع
دنياً دنيّه كلها مكر وخداع = فيها الوفا من بعض الاجناس منزوع
واحدهم اللي جاهلٍ درب الاسناع = ومن الغبا مايعرف الكوع والبوع
ضعيف نفس وللملذات مطواع = كنّه عن افعال المناعير ممنوع
مثل البهيمه لاشبع عقب ماجاع = هرجه غثيثٍ والقلم عنه مرفوع
دمه ثقيل ولو تصكّه بمرقاع = مايستحس ولو على الخد مصفوع
مافيه لانفعه ولاهوب نفّاع = وياعقم حيٍّ فيه مغرم ومخدوع
مايكسب الطالات من يسكن القاع = ولايستوي فالعرف كامل ومجبوع
ولاذم رجلٍ يوفي المد والصاع = راعي وفا فيه الوفا صار مزروع
من طيب قسمه ماغدا اخماس وارباع = ولاهوب للزلات تابع ومتبوع
لامن نخيته سرّج الخيل فزّاع = له وقفةٍ يامن بها كل مفزوع
هذا وانا لاضاقت فجاجٍ وساع = والعين ممّا صابها تسبلِ دْموع
رزقي على ربٍّ له الخلق تنصاع = يوم ان حبلي في رجا الناس مقطوع
ويارب يامجري من الغرب ذعذاع = يافارجٍ همٍّ على الكبد مطبوع
تفرج لعبد من عنا الوقت ملتاع = والهم يعصف به من اسبوع لسبوع
*********
ولكم مني اجمل تحيه ,,
اخوكم,,
محمد القثامي,,
[/poet]