بريك بن هادي ... تصحيح لهذا الشاعر

بريك بن هادي المري
شاعر شاب تعرف عليه الإعلام في منتصف العام 2003
وبعدها بسنة تدين هذا الشاب وابتعد عن الإعلام وأظن الشعر
ما دفعني لنبش صفحات هذا الشاعر أني عثرت على بعض قصائده المعروفة لدي
تنشر مجددا باسم غيره
وكان من أخرها قصيدة له بعنوان ( تعبت من ممشى على غير مشهاي )
تغنا بها الشاعر صالح المانعة وصالح لم ينسبها لغير صاحبها ولكن الناس
قامت بتحريفها ونسبتها للشاعر محمد بن فطيس !


هنا النص المقصود هنا بصوت الشاعر صالح المانعة ولكن من عمل المونتاج وضع اسم الشاعر بالخطا

حينما نسب القصيدة على أنها للشاعر محمد بن فطيس

هنا النص المقصود بصوت شاعره بريك بن هادي

[rams]http://g5g5.net/xzfiles/iWV03982.amr[/rams]
[poem=font="simplified arabic,5,indigo,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

الزمــن يكشف قناع الوجيه أم القناع =وإن كشفها شافت الناس وشهي ناويه
من لبس ثـوب الدناءه تلحف بالخداع =ومن لبس خف الجهاله دروبه غاويه
ومن لبس ثوب الصراحه سقط في الإرتفاع =ومن خلع ثوب الصراحه صعد للهاويه
كل شخـصٍ له قناعه وله درب وطباع =إن نزل وسط السهل وإن طلع للحاويه
الحقيـقه يثبت الحـق ويـزول الضياع =والحديث الصدق ثابت بخط الراويه
وكل عقلٍ ضاع رشده إلى من ضاع ضاع =ما ترده عن طريقه ذيابٍ عاويه
وكـم ديارٍ صوت اهلها يهـز ارجا البقاع =واصبحت من بعد آهلها ديارٍ خاويه
وكـل شخصٍ ما تعود يرد الصاع صاع =تطوي احلا مه كفوف السنين الطاويه
ما تخلد صفحة المجد وخطوط اليــراع =مـن بعيـنه عـزه وذلته متساويه
تقلب الصفحه ولا يذكرون إلا الشـجـاع =والليـالي كـم تفاجـئ نفوسٍ داويه
كل ما ضاقت وصكت فجوج الله وسـاع =وابن آدم ما تـرجى الغصون الذاويه
كان ماانت بسبــع عادي تعشاك السباع =وكـــان ماجاتك بيومك تراها ضاويه
والفتن في ذا الزمن ساسها وجه الصـراع= واكبـر الفتنات فتـنة علي ومعاويه
بس خل الجرح ينزف مادام السقم شـاع =واكثر جـروح الأوادم عـلاج مداويه
آه ليت الصبر يشرى مع الناس ويباع= كـان كـل الناس لاقسى الشدايد قاويه
ضربةٍ حره ومرت وخـلاها الدفــاع =والخطا فالحـايط اللـي فتح له زاويه؟
[/poem]

[poem=font="simplified arabic,5,purple,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

بيوت الشعر كم قدلك على حوض الضمير حيام=وكم قد للجيوب اللي تضم الحزن مبنوقه
إذا الموقف يهزك لاتمشي حثي الدرهام =انا مانيب سالي لاجل اغش الشعر وطروقه
أنا بي لوعةٍ حظي يجددها مع الايام= وقلبي لا مضى عامٍ مضى للفايت يتوقه
أنا بي غصةٍ تخجل حزن ثكلى ودمع ايتام=وغصة عود لاذبحوا عياله واقفوا بنوقه
انا بي عبرةٍ تبكي الأسير وتجرح المنظام=وتلعب في الضعيف اللي زمانه ضيع حقوقه
خذيت الهم من عين الفقير اللي عليه أتوام = بساط الفقر من تحته وعز النفس من فوقه
واخذت الياس من صدر البريء اللي عليه إعدام=قطع حبل الرجا وأيامه من الموت مسروقه
يخلف الله علي فيما مضى لي من حزن وآلام = أدور حاجةٍ ماهيب لاطردت بملحوقه
شعفني هاجس الذكرى وجا متلبسٍ الانسام= وشعفني وأبلش القلب العليل وجدد افتوقه
وأنا مركب حزن وسط الهوى والطاري النهام= وجوارح جسمي تردد وراه الصوت وتشوقه
وتذكرته وانا قد لي من الذكرى حوالي عام = اقول ايام في عمري من التاريخ مشقوقه
حرام اني لااعانق هاجس الذكرى ولع وهيام = واجيب الحزن كله لين اسوق الدمع ويسوقه
وآسولف له ويدري عن جروح بي ماهيب نيام = ولكن آتحاشى مس جرح القلب وعروقه
وآصوت للبعيد اللي على عرش الضماير قام = ثلاث سنين لاشد الرحال ولارخص سوقه
وآبنشد وشهي احواله بعد مامر عامٍ تام= على البين وعلى العهد وعلى شوفه ومنطوقه
عسى ذيك العيون اللي نظرها دايماً سلهام= تسلهم تذكر اللي من هدبها غربلة شوقه
وعسى قلبه يضخ من الوفا ذكراي في الصمام= وعسى رمش الوفا دمعه من الفرقا جرح موقه
تراه اللي سكن قلبي ولاعقبه ولاقدام= سكن به والدليل إنه جريح ولا برا عوقه
خيالي دامك اللون الحزين بريشة الرسام= أنا صورة حزن عن ريشة الرسام مفهوقه
عذاب الحب..لافرقا..ولازله..وعظ ابهام= عذاب الحب معشوقٍ تذكر زول معشوقه
وذي يا هاجس الذكرى علومي والسلام ختام= وآبعطيك العهد وإحذر تزل العهد وتبوقه
وأحملك الامانه لاتجيني كون دور العام = أنا مانيب قادر كل يوم لحزنك آذوقه
[/poem]

[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

شين الهوا ذا على اللي خاطره ضايق=ماضنتي يترك براسه ولا دمعه
كنه يسوقه على درب البكا سايق=وكن البكا والهبوب اللغز والرمعه؟
لو كان ثوب الحزن ماهوب له لايق=لكن من النار تنزل دمعة الشمعه
يصبر ويخفي وشكله شكل متضايق=حتى (سكوته) يخاف الناس تستمعه
من صمت صم الجبال الراسية بايق=ومن صبر جرد الرمال تتوقه الطمعه
وأن لامه الغافل المتفرغ الفايق=يصد عنه وكنه أصمخ ولا سمعه
ماهوب لهروج عبَاد (الونس) طايق=اللي بلا (هم) فالدنيا ولا سمعه
من كاس مر السنين القاسية ذايق=همه يعادل هموم الناس مجتمعه
كنه على قبر أبيه وجده يوايق=يشرب دموعه من الجمعه إلى الجمعه
لا شك لفح الهبوب بصدر متضايق=يعني تطيح العزوم بغبة الدمعه
[/poem]
[poem=font="simplified arabic,5,indigo,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]

أنت ياملهمني الشعر ببطون الهموم=مات ولاَ حي قلبك على طول البطا؟
لاغديت من النظر فيك والصوت محروم= يكشف الله كل خافي مثل كشف الغطا
والهوى له سلم واضح وضيعت السلوم=مثل ماتاخذ من الناس يلزمك العطا
غير مادامت لغيرك...ولاظني تدوم=لك مادام العز والحب في القلب خلطا
كان صدك ثقل فاثقل وعد اقصى النجوم=تشغلك ماتذكر اللي على ثقلك وطا
وكان مقفي..لحظة شوي عندي لك علوم=اقف جعل إقفايتك مثل مرواح القطا
إعرف ان ربي خلقني وعز النفس توم=لو تدز الهم والحزن للقلب وسطا
احمد الله فوق قلبي ضلوعي والهدوم=مايشاف الجرح لاحز في القلب وسطا
أنت ضنك بس آدافع ولا أشن الهجوم=إشهدٍ إنك صدق ضايع وفاهمني خطا
الهجر طيارةٍ في سما حبك تحوم=وقلبك (البرج التجاري ) وانا محمد عطا
[/poem]

محمد السالم


موضوع راقي .. وتغطية جميلة لإبداع شاعر لا يستهان به
لا هنت .. وبيض الله وجهك ..!


تحياتي

..

لا هنت على الموضوع ويعطيك

العافية

يا سلاااام عليك يا محمد



ويا سلاااام على إبداع الرائع بريك بن هادي


شاعر جميل وصادق واسمه ليس غريب علينا



شكراً يا محمد على هذا (النبش) المباح والجميل



وشكراً لتذكيرنا بمبدعين غابوا وتركوا لنا كنوزاً لا يمكن نسيانها






تحياتي لك