(( خيل فكري ))

السلام عليكم ورحمة الله وبركاته


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] دورة الوقت تلعب بين زيناً وشين=والسواقي لطرفي نوها ماستجاب
عودت لي مغبه واستثارت فطين=واستتابت عصياً قبلها مستتاب
هيظتني وانا من قبلها لي سنين=لانظمت البيوت ولافتحت الكتاب
بارق الغيث لهله وارق الراقدين=وارو..بيد الصحاري من رغاب الرغاب
علها لين تروى من ظميناً ظمين=دارساتاً جفاها الوقت والوقت ناب
درهمي ياذلولي بين حيناً وحين=لاتحداك المسافه والمسالك ارحاب
حثي السير للمسرى بشوق وحنين=البقالك وراس الغاويه للذهاب
دامها فرعت لي بين وزناً وزين=تلتفت لي وانا لي من ثمرها الصواب
بااطرق الباب لو سد المنابر حصين=واستند بالفظيله واقبل الأنتساب
بين عوج السنين وبين سوداً تهين=رافعاً مجد كفي فوق هام السحاب
مسرجاً خيل فكري والمضامين دين=والوفاء يهتويني بين باب وجواب
ارغب الساريه واسهر مع الساهرين=وارفع سنان رمحي دون حد العتاب
والوفاء له مدار بحضرة الغانمين=لنقلب وجه من خان المواقف غراب
طيب الله ثنا اهل العرف والعارفين=ماتتطبع طبايعها اكرام الجناب
درهمي ياذلولي والثمن للثمين=واحذري لا تغديبك هوج بعض الركاب
السوالف تروح وتنثني والفطين=ان قعد لسوالف عاب والراس شاب
الزمن ماستحا من حضرة المستحين=واليال ايتوارا..بدرها بالضباب
كفها دامها لك من شمال ويمين=مبطياً طاب خاطر نمرها والعقاب
لعنبو..عثرتاً ماترق النايمين =ولعنبو نايميناً ماصحو للخراب
ارفع الراس والدعوه على المدعين=لا رحم الله وجهين تلهم من التراب[/poem]

يا سلام

صح لسانك مدد ولا هنت
تحيتي

مرحبا ومسهلا بهالحضور
حياك الله اخوي محمد


ارغب الساريه واسهر مع الساهريـن
وارفع سنان رمحي دون حـد العتـاب
والوفاء له مـدار بحضـرة الغانميـن
لنقلب وجه من خان المواقـف غـراب
طيب الله ثنا اهل العـرف والعارفيـن
ماتتطبـع طبايعهـا اكـرام الجـنـاب
درهمـي ياذلولـي والثمـن للثمـيـن
واحذري لا تغديبك هوج بعض الركـاب
السوالـف تـروح وتنثنـي والفطيـن
ان قعد لسوالف عاب والـراس شـاب
الزمن ماستحا من حضـرة المستحيـن
واليـال ايتوارا..بدرهـا بالضـبـاب

الله الله

شعرعذب ونقي يبوحميد

صح لسانك مدد وسلمت

سلطان العطاوي


هلا وغلا

حضورك تشريف طال عمرك

اسعدني تواجدك المشرق

صح بدنك ولاهنت

احترامي

محمد النصره

بيض الله وجهك

وصح لسانك على ها الرائعه

الله يكثر من امثالك

حض وافر
ولك تحيات

اخي العزيز
سعود غنام

ياهلا ومسهلا

حضورك تشريف طال عمرك يسعد به كاتب النص

فشكراً لك ولهذا التواجد الكريم

احترامي

الشاعر الجزل / محمد النصره

حضورك مميز وقافك دائما ( مليان )

نوّرت مرقابك يا الغالي
وصح لسانك عدد حروفها ،،

..

بـارق الغيـث لهلـه وارق الراقديـن
وارو..بيد الصحاري من رغاب الرغاب
علها لين تروى مـن ظمينـاً ظميـن
دارساتاً جفاها الوقـت والوقـت نـاب

محمد النصره

نص راقي ورائع

صح لسانك مدد بلا عدد

تحياتي

سعد مخلد

ووجهك ابيض يالغالي

تشرفت بحضورك الكريم

واسعدني تواجدك المشرق

تحياتي

القدير والغالي

سداح

التميز يكتمل يحضورك

تشرفت بسمو اطلاعك ورقي انطباعك

وشكراً لك ولكل حرف اهديته هذا المساحه التي تسعد بحضور شاعر بحجمك

تقديري واحترامي

كلام سليم








محمد الله لايهينك وصح لسانك طال عمرك






آزكىّ تحيه

,

محمد
صح لسانك وبيانك , نص رائع وحضور أروع ,
قاف مسبوك ومعنى محبوك ....
مودتي لك .

اخوي

بدر ناصر المورقي

الروعه بحضورك الكريم

والرقي بسمو اطلاعك

لاهنت يالغالي

احترامي

عبدالله ماجد بن سنيد

تشرفت بحضورك المشرق

واسعدني تواجدك الكريم

احترامي

اخي العزيز

عبدالرحمن السمين

الروعه بسمو حضورك الراقي

تشرفت يالغالي لاهنت

احترامي