مشاركه اول اتمنى ان تنال اعجاب الجميع - الشاعر سعيد شايع الشواطي

[poem=font="Simplified Arabic,6,crimson,bold,normal" bkcolor="black" bkimage="" border="ridge,4,red" type=1 line=0 align=center use=ex num="0,black""]

ليتني قبل أعرفك يالغدر صليت إستخاره = كان صدي عن دروب أهل الغدر خير وخيره

كنت أحس إني نجحت ونلت يالغدر الصداره = ما صحيت إلا وأنا يالغدر بالصفحه الاخيره

صفحة تفني وجود الشوق وتهّمش وقاره = وتسلى بالوجود اللي غدا فقده مصيره

ما خضعت ولا رحلت ولا سكنت بغير داره = ولا رضيت الذل لكن القرار أصبح بِحيره

قمت أجمع شوقي اللي ساكنن داخل إطاره = أنسحب وأقول برجع لو غدا بعدي يثيره

أثر شوقي ياحسافه من يمينه من يساره = ما سكن قلبه ولا له داخله ذكر وسيره

(هب) يا حظ رماني رمية من غير غاره = حطم أصل الكبرياء وصّغر النفس الكبيره

ليه ماقلت إنتبه للنفس من كثر الإثاره = ليه ترضا بي وأنا ما شفتك بعين(ن) صغيره

ليه ما رديت قلبي قبل ما يسكن مداره = ليه ما قلت إنتبه للجدي شف منهو يديره

ليه ما قلت إني أحدى القلب لدروب إنتحاره = ويوم صار الفاس فوق الراس قلت الله يجيره

لعن أبو حيك خلاص القلب ما عنده جساره = لو بقا ميت ولو قال أنسحب نفس الوتيره

صار ذنبه ذنب من وهقه قبل الإستخاره = في طريق(ن) حطمه بالغدر قبل أن يستخيره

[/poem]

مشاركة قوية
وشاعر تستحق المتابعة



صح لسانك .. والله يجيرك من الغدر .!

المشاركة الأصلية كتبت بواسطة محمد بلال

مشاركة قوية
وشاعر تستحق المتابعة



صح لسانك .. والله يجيرك من الغدر .!

اخوي محمد بلال

اشكرك جزيل الشكر لمرورك الكريم

تقبل التقدير والاحترام

-

(هب) يا حظ رماني رمية من غيـر غـاره
.........................................حطم أصل الكبرياء وصّغر النفـس الكبيـره

صح منطوقك , القصيدة جميلة من بدايتها وحتّى نهايتها

أتمنّى أن نراك من أعضاء المرقاب قريباً

دمت بخير وراحة بال دوماً .