* هرُوبيْ إلَى الذاتْ ||~

.


.




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
كل ماهو بداها.. كل ما هو يجي = وسـط ركن الهداوه.. كل ماهو إنطلق
بسم رب البريه كل ما ينتجي = من سرور وهموم ومن حراوي قـلق
تلعج حروف حسّه ولا ما تلعجي = جات من جاش راضي والجزال تعلق
في ذهون اللبيب وبيّن المنهجي = ماهـي وجهـة بليد ولا لسواته خلق
إرعدي يا قصايد دو ثم إلعجي = وسط صدري جمعتك من إبعدها إنفلق
والحنايا جبال(ن) هزها تفلجي = من رواجة بحور(ن) خلفها تندلق
تحيي موت الخزامى وميت العرفجي = بعد ماشاء رب الناس رب الفلق[/poem]





.


.

.






[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
يالهجوس اللي تفوع بخاطري وتلزه = وش بغيت ..؟ برادة الله إني لوفي حقك
لا تردّى فالمشاعر والقليب تحزه = راعني ثم والله إنه ما خلق من عقك [/poem]

.



.




.

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
نظرة العين سدّت عن كثير الكلام = لو بدت بـ إبتسامه ثم عقبها رضى ..!
لوتشيل المخافه من جموع الزحام = ثم تسلهم ما حنّا يالغريب إحضضـا ..!
لو قربنا سبقنا بالتشره ملام = ولو بعدنا شعلنا فـ القلوب الغضا ..!
والعوايد سلوم(ن) .. برد ماهي سلام =والمفازه لقلب من الهوى ما حضى ..!
وأنت قلبك محب وينتمي للغرام = وأنا قلبي غريم(ن) عقب تاب وفضى ..!
حينها طاح دمعه في ختام الكلام = وكن عينه توادع .....من بعدها مضى ..![/poem]

.


.


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
يا صباح الخير يا مغرّد علـى ركـن الهـدو=إنشرح لك خاطري .. وتبسّمت عينـي غـلآ
يا ملآقى للمطر مثلـه مـع ملاقـى البـدو=كل قلب يفز له.. يا مرحبا .. و إ/مية هـلآ
هو صحيح بنظرتك مثل الضيا.. لـو إنقـدو=لو أشوفك وسط ليلي.. من عيونـي إنجـلآ
إحفظوها / وأفهموها / أشهـدو/ لا تشهـدو=هي حياتي/ لا غلاتي / لا منايه / لا بلا ..!!
هي عيوني / هي نظرها / لو تبي عمري فدو=هي حلايا دنيتي.. وشلون لو قلت المـلآ..![/poem]

.

.

.

البـرد قارس /.. والـيالي تباجيـح ***** والضـي باهت/.. والصحـاري خفايا..!

ذكـرت مارس/.. والشجر والمراجيح ***** والصـدر ناهت/.. والمشـاعر عرايا..!

والهم تارس/.. له كفوف(ن) رواجيح ***** بسمـه وتاهت/.. والجـروح الهدايا..!

.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
إنطح طموحك لا تونّى وأنا أخـوك=وإعرف قليل الهرج قبلـك تقولـه
لو غنّواْ الشعار وأتبعتهم وأغـووك=بإن الزمن غِيّـر ودفنـت عدولـه
قدرك بعين الناس ماهوب قدر البوك=قدر الرجل رصيـد طيّـب فعولـه[/poem]

.

.

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أنا دخيل الهوى يكفيني جرح(ن) نزف = في وسط قلبي لوّن العين عيت تبوح!
بيّحت شعر(ن) حزين أقسي من اللي عزف = نايه ولذة شفاته يوم تنفخ تنوح !
والهم خيّط مثل تخييط فرش الخزف = صانعه رافض يقدّه لا يزيد الجروح![/poem]

:


[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]

أنا ما أقدر أكون إلا بشـر عـادي=لو أوراقي أراضي والمطر حبـري
يسيل وينبت اليشمـوم والكـادي=ويثور العمر يتناثر علـى شبـري
لو الصمت العتيق يحـل ببـلادي=ب / يثبت للفرج بعثه بعد صبـري
يشع النور من همسي ب / ميلادي=ويصرخ من فخر يومه حفر قبري
ورث له أبجديه حـرف متمـادي=شغب طفل وقسى رجال في كبري
على خبره وما زارتنـي أعيـادي=من الفرحه ويا جعله على خبـري [/poem]



:

:




[poem=font="Simplified Arabic,4,black,bold,normal" bkcolor="transparent" bkimage="" border="none,4,black" type=1 line=0 align=center use=ex num="0,black""]
ما كل شاعر يوصّل طيب فعل بكـلام !=لو طارح(ن) نص هرج العاقل وتاركـه
ولا كل شاعر يجي رفيع قـدر ومقـام=لو هو رحى كفـه بمسباحتـه فاركـه
وأنا إتكالي على الله والهمـام الهمـام=وإن شاء ربي يهديني مثل مـن باركـه
للخير أحث القـدم والخيـر دايـم أمـام=لو شر هالوقت قام لخيرنـا وعاركـه !
ولا شك ما كل حي(ن) ناهي(ن) له مرام=يمكن وصول القدر يقطعـه مـا داركـه[/poem]




:

:



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
ما كتبت القصايد لجل اهـوز المنابـر=واتميلح بشاشه و أشهـر ب/ منتـدى
وازهم الربع شانت يالربـوع الدوابـر=وأسرق القرش منهم لجل أحصل صدى
والقصايد سجينه والصـدور العنابـر=منها ماله عفيـت ولايـروّح سـدى
لي قناعه لـون الهـم فينـي تزابـر=والقناعه مناعـه .. والبواقـي فـدى
لو تشين المظاهر ما تشين المخابـر=ولّا زين المظاهر ماهو عاصـم ردى
رِفعَت الصُحْف لو هي ما تجف المحابر=والمحابر كريمـه والصحايـف مـدى [/poem]



:

.


.


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
المحـبـه شـمـوع تسـيـل لـجـل الـضـيـا=لو ترسب تحتهـا حـب منهـي فتيـل !
المحـبـه معـاشـر بـيـن جـســر وحـيــا=ولو تقول المحبه لم صبحن وليـل !
مــا تـقـاس بـظـروف ولا تخـالـط ريـــا=لان فيهـا تجوهـر كـل ماهـو نبـيـل !
فيها وصل المحال وكم قليـل ن هيـا=للنهايه بمعنى كنـك انـت الحصيـل !
ومكسبك روح تنبت وسط روحك ليـا=تمتكن بك مبات وتمتكن بك مقيل ! [/poem]

.



.

:



:



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
إنفـث كلامـك بوجـه الـريـح يــا شـاعـر=خــل الهبـايـب تـمـايـل بـــه وتـفــرح بـــه
ولا الـهـواجــس تــعــدى بــالــك الـعــابــر=إلـحـق فرصـهـا وشعّبـهـا و تـشـرح بــه
دام الـخـواطـر ضـمـايـا والـزمــن غـابــر=لوّ المطر شيف نقعه في ثـرى الرّحبـه
أيـقـظ صـــدر ذكـريـاتـك مـقـبـل وهـاجــر=وأرفع جناحـك ورفـرف وإهتنـي صحبـه
لوهو وقف عكس ما توجّهت يا ماهر=ريــح العـواقـب بتسـبـح زال تطـمـح بـــه
إختـر مقـال لمقـامـك وإعــرف الصـايـر=إبحث عن اللول فيمـا انـت تسمـح بـه
لان ب/ يــدك تاجـهـا وما الخـطـا جـابـر=اركـد ميـه قبـل مـا تهـجـي وتـمـدح بــه
لانــك عـلــى حـــد نـاقــد غـيــره الـحـايـر=ومـا كـل قايـل سبـب للنـاس تدمـح بـه
وأتـــرقّـــب الله بـنــطــقــك والله الــغــافـــر=يجعل لك الخير تمسي به وتصبـح بـه[/poem]

:



:

:


:


[poem=font="simplified arabic,4,red,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يا صَفحةُ اللّيلِ الطويلِ العَاتي = رحمَاكِ من وجهٍ عبوسٍ آتي
مِن بعْدَما طال النهارُ مُكبّلاً = أحسَسْتُ أني مغرمٌ بِ / مماتي
رأيتُ فِنجانِي وريشَةُ شاعرٍ= أدْلى عَليهَا الصّمْتُ عزَّ بناتي
من فِكرُ يسقيني سَحاباً ثججاً = أّحْزِنْ بهِ مَعزوفَتي لِ /حياتي
فإن راجَ نسناسُ السماءِ بعِشقِنا = أهديتُ صَمتي بَعْضَ مِن كلماتي
ورَسمْتُ من ماءِ الغديرِ فراشتي = وتَراقصَت فوقَ الرياضِ فتاتي
وكتبتُ شعراً زاهياً ومكثفاً = من ماءِ وردٍ يغنِيَ الصّفَحَاتِ
عن عِشقِ قيسُ ابن الملّوحِ ليلى = عنْ عشقِ عنترةٍ وعنْ سنَواتِي
عنْ صوتِ قرعُ الطبلِ في قدَم الأزلْ= عنْ عَجَّ خيلٍ مُنْتطوها قُساةِ
ولرَيثَما ولرَيثَما ولرَيثَما = تَقِر عَينِي فِيكِ مِنْ نظَراتي
وتَسْقي عَطَاشَا مِن عُذوبةِ ثَغرَكِ = وتَلمّني حُباً بِرغْم شتَاتي
فّحِينَها قَدْ أَصدُقَ القَول اللّذِي = يُدمِي رّواةَ العِشْقِ والأمْواتي
أنّا كشجرةُ حبٍ تَجوبُ جُذورِها = سَبعُ الأراضيَ بحْثُ عنْ مشكاةِ
وجِذعُها مُمتدَّ حتَّى سَمَائِنا = وَللبَدرُ فِيهَا والنُّجِومَ مَباتِ
وثِمَارَها غَيمَاتها مَجْنا المَطَر= والشّمسُ تّزهِر مِن صِبَا الوَرَقاتِ [/poem]

،


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يـــا عـيــون المـشـقّـى وفِّـــري دمـعـتــك=للقوافـل وضـرب الشمـس فـوق الرمـل !
لـو ريـاح الحـزن تنفـخ علـى شمعتـك=خوفهـا تمـوت مـا تكبـر ومـوت الأمــل !
ترثـي العـمـر لـكـن تـثـري ب/ جمعـتـك=كل خير(ن) جزا لك من أساس العمل !
إشبحي كل طايل وإعتلي بسمعتك = حثّي يم المحال النفس حث الجمل !
يا تموت بشجاعه في سبل طمعتك = أو تعيش بكرامه في عيون الشمل ![/poem]


،

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا قصيدي تهايق فـي عيـون العبـاد=وأسقها من دموعك والتحفها سعيـر..!
لاجل تكبر لابـد تعـرف وزن الرمـاد=ولجل تحيا لابـدك تستلـذ المريـر..!
ولجل تعلـى لابـد تقـاوم الإضطهـاد=ولجل تسمو لابد يعيش فيك الضميـر..![/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بات الحمام بغصن الاحلام ساجع=من بعد طوى الصبح نوره وقفّا
وشاع المسا من عقب ماكان ضاجع=لفه ظلامه والعنا فيه ضفّا
لافي خفوقي إمن الخبر هم فاجع=اركى غرابلين بكبدي وهفّا
قالو حبيبك راح ماهوب راجع=جوله خطاطيرن ووافق وزفّا
قلت المياسم في ضميري تلاجع=من بعد روّح صاحب الحسن كفّا
السو ثاعيبي وعيا يتراجع=والهم يعلى راسي اليا المطفّا
والسل نابي بي عكف فيَْ هاجع=وسط الحنايا راغب الها بشفّا
جف السرور بخاطرن به مواجع=ضيم لفراق الحب بعدنّ جفّا
وبات الحمام بغصن الاحلام ساجع=نايح بحالي من بعاد الاعفّا
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هذا وصف الزمن قالب وغـادر=غريب الوقـت لطـام العـلاوي !
يهين الطيـب وتقسـى حياتـه=ويحشم فزعه لهيت(ن) دنـاوي !
تنمربـه ثعولـه مـن ضعافـه=وراح الذيب يسرح مع شـواوي !
وديـن الله واضـح مـا تغيـر=لكـن جونـا مبدلـت الفتـاوي !
شجاع(ن) من سطره أرخو حباله=جبان(ن) بالرخى سمي شقـاوي !
كريم(ن) لا تجمل قيـل رخمـه=بخيل(ن) بالعطا سمـي رهـاوي !
صدوق(ن) به صدق ردوه كاذب=كذوب(ن) به كذب سمـوه راوي ![/poem]

[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
المشاكل لفتني من جميـع الفجـوج =الكرايـب تـزاوم و الهمـوم تعـزم
كل ما أرفض حلوف الصامله بالعروج=للمشاغل , تكـرّس مثلهـا واحتـزم
بالقناعه وصبري لو يطـول البـروج=واصل(ن) للفرج بالحلم ويّـا العـزم
للدروب انقطـاع وللمداخـل خـروج=وللجفاف ارتعاد السِّحب عقب ارتـزم
وللمفارق لقا من فود قلـب ونتـوج=وللأحبـه سـلام وللعـواذل خـزم [/poem]!

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صباح الخير يالـوادي ويالسـدره ويالورقـا=بعد ماطال بي ليلي وشابـت كـل الأوراقـي
على راس الطويل هناك قد غنيت لـي فرقـا=وعلى راس الطويل اليوم غنيت إ/لك بأحداقي
زهور الحب وورود الغرام وغيمة(ن) ترقـى=إلى صدر السما تبرق حنين وتمطر أشواقـي
على صفحه من جنون اللقا ماجالهـا درقـا=كتبت ولا هقيت إني عشقت إلا مـن أعماقـي
ولو باقي من الذكرى رسايـل مالهـا حرقـا=عرضت إبها بوجه رياح هبت وإنثنى ساقـي
أبيك توصل إحساسي وكوم شعور بي غرقـا=تسلم لي على جبينك ، على اللي بالحشا باقي

![/poem]

كل ماهو نقوله ،، كل ما هو يعيد
نفس ذكرى بترجع جرح ما كان خف

والسنين العواذل والليالي قصيد
والعمر كل ماله من همومه يجف


لكل شخص إنتما للحب ، وشهو الجديد
وكل دربٍ سلكته مفرقه قال

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أكره ما يمكن يصدمك إنك تــوِّنْ = للي تشوفه كل يوم .. وهابلك !
تعبت لو قلبك تعنالك وشنْ = حربه عليك وعاضده من غاب لك !
ودّك تصير إنسان وحداني وعنْ = كل الخلايق يوم همّك دابلك !
لكن إذا تشتاق نفسك وإذا تحنْ = يرفضك واقع فـ المرايا يقابلك ![/poem]