ياعريبيا خلاص ماباقي [ أمل ] ..

السلام عليكم




يا عريبيا خلاص ماباقي [ أمل ] ..
آمالنا راحت مع السيف الشطير . !

إن كان عمرك زاد عمري ماكمل ..
انتي كبرتي مير انا توّي صغير . !

أقول أحبك كثر [ حبّات الرمل ] ..
بس [ المحبّه ] بيننا ماتستدير . !

لو الجزا خلوه من [ جنس العمل ] ..
لا كان مارحتي مثل روح الضرير . !

شفت الحمل وطّوه من ظهر الجمل ..
وحطّوه بشداده على ظهر البعير . !

الحال والله ثمّل العاقل ثمل ..
والجاهل أصبح عندنا رجلٍ خبير . !

مع كل [ قطرة دم ] يجي معها دمل ..
[ والجرح ] ماخّلا صغير ولا كبير . !

واللي من أوّل ودّه بجمع الشمل ..
وش ودّه يسوّي على الجمع الغفير . !

ماعاد يمدي عن عزومه لا خمل ..
يقدر يميّز بين [ الأوّل ] و [ الأخير] . !

ياناس والله وضعنا مايحتمل ..
ادعوا ترا مابه ياكود الله نصير . !

عسا ليا همّل من [ الغيمه ] همل ..
يسقي علينا في بلاد الخير خير . !





..





عبدالعزيز الميموني

.
.
ولازال الامل بالله باقي

الله ينصر السنه ويعز الاسلام
ويذل أعدائه

عبالعزيز : قصيده عالية الجوده
سبك وحبك وتدفق فالشاعريه
صح لسانك يامبدع
اعجابي ومحبتي

.




.





الجميل / جمال منير


صح بدنك


مرورك لهُ رونق خاص لدي ,, شكراً على مروورك الجميل : )

صح السانك مليار

.



.





صح بدنك ملياريين : )