الأديب عبدالله السميح .. قصيدتين : )

الأستاذ والأديب / عبدالله بن متعب السميح ..
شاعر الفصحى والنبط .. غني ّ عن التعريف به ..
أرسل لي بعد إلحاح منـّي على جديدهـ .. هاتين القصيدتين ..
قائلا ً : إهداء منـّي لك أيـّها المبدع : )
وأحببت أن تشاركوني متعة القراءه لـ ما تحتويه من شعر ٍ نادر وحصري ..

..

شموخ القاف

[poem=font="Simplified Arabic,5,darkred,bold,normal" bkcolor="transparent" bkimage="" border="solid,2,darkred" type=2 line=1 align=center use=sp num="0,black""]

تبختر ياقصيدي جادك المعنى وجزل القاف = وعلًك من رصين الفكر مايشفي صدى الضامي
تباهت بك رياض الشعر يوم ان الطروق عجاف = وناجتك المزون الغر وأنته وبلها الهامي
وغنت بك ذعاذيع المثل في عالي المشراف = وزفت لك تعابير الوفا نزهات الاقلامي
كفاك من الثنا ياسيدي ماقالت العراف = مقاديم الرجال اللي عن التزييف صيامي
قروا فيك الشموخ ومايترجم بغية الاشراف = وغايات النفوس السامية فالمرقب السامي
نفوسٍ تحتمي بالصمت لو عانت من الاجحاف = تغشاها البياض ولا انصفتها غبر الايامي
لقوا فيك الرجال اهل المعرفة منبع الانصاف = وعبًتك المشاعر واحتفت بك شمً الاحلامي
كما انك ياقصيدي فالمواقف شامخ الميقاف = اليا ساوم وضيعات المواقف كل سوامي
بعيدٍ عن سراب الشك لا جا للغنا محراف = تسامى للمعاني والمعاني مصدر الهامي
تسنمت الطويلة عقب خليت الضعوف خلاف = وزارتك المناهل واحتدهم هوج الاعسامي
الايا بهجة الحر الغريب المرهف الشفاف = خشيره في هواجيسه وبلسم جرحه الدامي
يرى فيك العزا والنور لا احتد الظلام وطاف = وحامت له خفافيش الدجى في ليل الاوهامي
ورانا يانديم أهل الوفا شلنا الهموم أضعاف = وطرف الدهر عنا لو نصافح هامته عامي[/poem]


..

المغروره

[poem=font="Simplified Arabic,5,darkred,bold,normal" bkcolor="transparent" bkimage="" border="solid,2,darkred" type=2 line=1 align=center use=sp num="0,black""]

يا نسيم الليل سلـّم لي على الغندوره = لا عبَثت بشـَعرها ولاّ لمَست شفاها
جعل ديرتها من أسباب الحيا ممطوره = لين يزهر كل دربٍ عانقتـه خطاها
يا نسيم الليل قل للجادل المغروره = أسمها معنى الغرور وصاب من سمّاها
من تبخترها تقول اليا مشت مخموره = والقلوب المستهامه تنتظر ممشاها
واثقه من نفسها والواثقه معذوره = مير ترفق بالخفوق اللي سرى مسراها
قل لها ماهي على هذا الجفا مجبورة = كيف تنسى الهايم اللي ما قدر ينساها
يا نسِيم الليل قل للكاعب الأمّوره = كيف رغم القرب منها ما قدرت ألقاها
قل لها لا طالعَت في صفحة البلورة = وأعجبتها في مرايا حسنها سِيماها
تذكر ان الها على صفحة خيالي صوره = من كتبها الشوق لهفة ما قدرت أمحاها[/poem]


..

صح لسانه ولا هنت يا سلطان

صح لسانه
اختيار رائع جداُ لـ شاعر اروع

مشكور يا سلطان على الايراد

الله الله الله

صح لسآن الأستاذ والأديب "عبدالله بن متعب"
شآعر غني عن التعريف / وكتآبآته مُتدثره بالجزآله دائماً ,,
وشكراً لك يآ"سلطآن" على الايرآد ,,
لآهنت!

,’

الله الله
الله الله

الجمال عامل مشترك في القصيدتين
شاعر جميل ومبدع ،

شكراً لك يا بو حامد

.

ماشاء الله قصيدتين من أروع مايكون خاصّة " شموخ القاف "

صحّ لسانه وأكثر , شاعر مبدع ,

ولاهنت على الطرح النيّر يَ طيّب ,

.

ولا هنتي يا مخايل ،،

سلطان بن حامد ,
انت غير ومبدع ولا تأتي الا بالجميل في كل حروفك من نقلِ ونتاج ,
لله درك يا مبدع ,
وصح لسان الشاعر العملاق / عبدالله السميح ,

مودتي لكما .

لا هنت يا سلطان بن حامد وبيض الله وجهك

لك التقدير

سلطان بن حامد



ياسلالالالالام على هالايراد الجميل .,



صح لسان ابو متعب ومتعه بالصحة والعافية..



لك فائق احترامي وتقديري ...!!

فارس مرداس

صح ّّ بدنك والشكر لك على مرورك

تقديري لك ،،

الله الله الله

صح لسآن الشاعر..

ولآهنت يآسلطآن على النقل..

وتقبل تحيّتي ومودتي..

ريمانا

الشكر لك على مرورك

تقديري لك ،،

صحّ لسان الأديب / عبدالله السميح

ولاهنت يابو حامد على النقل والإختيار الرائع

كل الشكر لك

تحياتي لك

صح لسانك / عبدالله السميح


ولاهنت ع النقل