نصوص مرقابية راقت لي

المشاركة الأصلية كتبت بواسطة ناصرالأحمري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قـدام ترتيب الحروف = باآرتـّب أوراق الضمير
أما تجي فوق الكتوف = والاّ تجي تحت الحصير
الوقت خاطف ومْخطوف = دير الرحاة وتستدير
اللي ملكني بمْعروف = أصير كنـي له أسير
لا يالمسـرّي للدفوف = أبشر بعرّاضه وزيـر !
وأن قلت لي بقعا تلوف = قلت أقلط أقلط يالأمير
أما ذبحنا لك خروف = والاّ نحرنا لك بعير
واللي بعدها يالضيوف = نبغى نشير ونستشير
فيما نشوف من الصدوف = أعمى يقـدّي له ضرير
ها يالمسـرّي وش تشوف = يصير والاّ ما يصير
سمير متولّي رؤوف = رؤوف متولّي سمير
عبير محبوبه ريوف = ريوف محبوبه عبير
يعني منقــّزة البلوف = طافت معشـّق كل قير
غير الله الله لا تطوف = جده ترى ماهي بغير
وأنا فمن دون مْحلوف = قبل أضرب البحر الغزير
أشوف ممنوع الوقوف = ما شفت توقيع المدير!
قدت الكتايب والصفوف = وأقتادني سلك الحرير
لولا الكتب فوق الرفوف = المكتبه مخـزن شعير
هيّه كذا عكس الشفوف = وقـّع ياراسي لا تطير
أسير والعالم وقوف = وآقف وخلق الله تسيـر !
[/poem]

[align=right]

صح لسانك ولا هنت

[/align]

للشاعر / مستور الذويبي


العيدهـذا ..غيرعـن كـل الأعيـاد
في فرحته ...في ربكته...في قدومه !
في فرحة ..اللـي ينتظرفيـه ميعـاد
من ربكته ..ماحقق أبسط حلومـه !
ساعة قدومه ..كنّها الصبـح منقـاد
من بين ضحكات الترف ..والنعومـه
تعلـن تباشيـره.. للأفـراح ميـلاد
من ليل حسرات الزمـان ..وهمومـه
للـي بحبّـه ..والوفا..مالـه أنـداد
وأنـا بحبّـي بالشدايـد ..عزومـه
عوّدته أكتب فيـه بالعيـد ..واعتـاد
ولو ماكتبت ..ولامني ..من يلومـه؟
من حقّه ..اللي طلته تربـك الضـاد
في بسمتـه للشعـر ..قعده..وقومـه
ومن حقّي أكتب فيه ..والشعرلوجـاد
ماجادبأسـراره ..وخافـي علـومـه
شفني معه طول الشهر..ود ..وجهاد
اصوم عن لقياه ..وافطر ..وأصومـه
واليوم جاوبنـي بعـد قلـت له:نـاد
بأحلا تهاني العيـد لأعلـى رجومـه
القلب عيدك ..عاد عيد السعـد عـاد
والقلـب ماتزهـر بغيـرك حزومـه
بايعك بإحساسه جماعات ...وأفـراد
بيعـات شعـب المملكـه للحكـومـه
ياحب ..عايش قصته ..ولف ..ووداد
من صحوة العاشق ..ليا أحلام نومـه
عالـي سموّه..لاعـذب الشعرميـراد
من عفّتـه يرقـا ..لطيّـب سلومـه
وحالي سموّك ..زاده أبعاد ..وأبعـاد
حبّك حديث القلـب ليلـه ..ويومـه
يرحل معي لبـلاد ..وإن حـلّ ببـلاد
أحلّهـا ..وأبنـي لحبـي رسـومـه
من قال :حبّك في ظروف الرضا زاد ؟
أنا أحبّك موووت عنـد الخصومـه!
أصير متلهف لسجنـك ..والاصفـاد
أحسّ في سجنـك بحضـن الأمومـه
وأجيب لك غالـي معاذيـر الأسيـاد
وتغضّ طرفـك ..وأتوقّـا سهومـه
وآخذك بأحضان الغلا ..صبح منقـاد
من بين ضحكات الترف ..والنعومـه

المشاركة الأصلية كتبت بواسطة غلاب بن عايض

مقدمه :عذرا للذائقه على التقصير !


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يخطي علي اللي جهلني واسامح= حتى بنيت من العفو قبّه وصرح!
ولاني لغلطات المعادين دامح= على المعادي خاطري ماهو بشِرح
الخير دلو البير والشر جامح =والصفر مايثّر على الجمع والطرح
كم رمحةٍ في الوقت من غير رامح= يطيح منها اللي مضرا على الطرح
كلمة (نعم)بنتٍ عن اللاش طامح=ذا شرحها ياللي تدور على شرح
يقول من يصعب عليه المرام اح=اللي بقى باليد كيٍ على جرح!!
من باع راع الطيب بالرخص قامح= سواة من مسوّك سنونه من السرح!
ماعاد يبقى للرجوله ملامح = لاصار وجه الطفل يستغرب الفرح !!
يخطي علي اللي جهلني واسامح= حتى بنيت من العفو قبّه وصرح!
وتدري من اللي مستحيل يتسامح= قلبٍ وفي تجزاه كيٍ على جرح !![/poem]

[align=right]


صح لسانك ولا هنت
[/align]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آخيل برّاق القنوف=وآشمّ نسناس العْصير
وأنا على الجزله شغوف=من شاعرٍ شانه كبير
هقاويٍ ترقى الطفوف=وعزاويٍ ضد المغير
والا الردي شوفه زهوف=وخاسئاً وهوَ حسير
يالأحمري وانت مْعروف=سنافي وشاعر قدير
فيك الحلايا والوصوف=وتارد ولا حبلك قصير
يا مرحبا بك وأووف أووف=إبداع منقطع النظير
ما دام فتشت الزروف=يخبرك بأخبارك خبير
ماهي دعاية فيلسوف=ولا حكاية شكْسبير
تبقى الضعافه للضعوف=وتبقى الحقاره للحقير
يالله عساهم للذلوف=أهل (الرغا عقب الهدير)
ما غير تبّاعة خْشوف=ولا يدانون الصفير
واللي مهي شمّا ونوف=ماهيب شوقٍ للعشير
لكن مجار من الحتوف=إسمع وكن رجلٍ بصير
(لا سرت والعالم وقوف=ووقفت والعالم تسير)
سلّم على راعي قطوف=والوضع يا ناصر خطير
واضرب بسيف من السيوف=فالعير والا فالنفير
ولا تقول انّك عيوف=وسيفك يابويحيى شطير
ولا تعذّر بالظروف=ولا بفيّ ولا هجير
من يستعي ولا يطوف=لو ياصل الشوط الأخير...
...فلا سنام ولا ردوف=ولا قليل ولا كثير
ما اقول لك مد الكفوف=مير ادهن السير ويسير
أدري إن بإمكانك تحوف=القوم والجمع الغفير
ومجار من سو الحتوف=وكل عام وأنت بألف خير [/poem]


[align=right]


المسرّي
[/align]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العيد عاد , الله يعيد العيد واليوم السعيد = ياعيد عيدك عيد .. والجَمعه سقى الله حلّها
عيّدت لكن كدرّتني .. بنت هارون الرشيد = اللي من آقصاها نهار العيد / جتني كلها
جزعت من عبراتها لو أن باسي من حديد = حتى ماعاد أشوف في دق الامور وجلها
لو المراد الشوف ؟ والله ما علّي من العبيد = آصل لها واللي عقد روس الحبال يحلها
آصل لها في جنّة الدنيا وفي العيش الرغيد = مير العلوم علوم , وسلوم العرب ما ازلها
اليأس قتّال الرجاء , والموت في حبل الوريد = عزي لمن هو ونّته على عزاه ايتلّها
لا قلت عادي , ما حصل شي ٍ على الدنيا جديد = لحقتني الشرهات منها .. ياعساي فداً لها
شرهات نجل ٍ كن فيها حد سيف ابن الوليد = تب ٍ لها .. وطعون فرقاها بعد تب ٍ لها
تبي القصايد كلها فيها , وهي ملح القصيد = انا أشهد إن الشعر يزهاها وهو عبد ٍ لها
من الترف ما كّن معها من جميع الغيد / غيد = من زينها ! حتى آختها ما كنّها بـ ( أخت ٍ لها ) !
زين ٍ تعدى الزين , في عيني عن العالم بعيد = الله مجمّل وصفها .. والله مزيّن دلّها
ما تشتكي جور الزمان ونكسة الحظ العنيد = تظللت ظل القصور اللي يظلل ظلها
تحيّ عروقي : بسمة ٍ منها , وذكراها رصيد = على رجاء سود الليالي .. ليتها / لعلّها
إن جمّعتنا .. كل يوم ٍ نجتمع به يوم عيد = وإن فرقتنا .. يلعن الفرقا , ويلعن حلّها [/poem]


[align=right]







لــ مشعان البراق
[/align]

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هل يا عيد لــ ( اصحابـك ) و فـج النحـور=و مر بيـت البعيـد و مـر بيـت القريـب
و لا تمـر ويدينـك مـا تشيـل السـرور=لو مالي من اللـي فـي يدينـك .. نصيـب
يكفي اشوف فرحك فـي عيـون الحضـور=من حبيـبً قريـب و مـن قريـبً حبيـب
لولا هذا ما اعـدك غيـر باقـي الشهـور=جيت مثل الغريـب و رحـت مثـل الغريـب
لا ضويـت الشمـوع ولا قطفـت الزهـور=ولا اتسع فيك ضيق ولا استضـاق الرحيـب
السما مثل ماهـي .. والطيـور / الطيـور=والبشر مثل ما هـم بيـن خبـثً و طيـب
فيك ما لـي حضـور وفـيّ مالـك عبـور=لا تــودي مــلام ولا مــلامً تجـيـب
عن وقوفً بــ ( بابك ) اكتفي بــ ( المرور )=وفي عيوني .. قتيل و في ضلوعي .. صويب
انكسرت و لحقنـي مـن زمانـي قصـور=لو لي وجـهً طليـق و لـي كـفً عطيـب
قطع حبل الرجا .. والحـظ لـو لعـب دور=يا نطح لـه صفـا والا حـدر لـه شعيـب
والله ما اقسى من الغربه و جـرح الشعـور=الا انك تظن فــ ( نفسك ) بـظـن و يخيـب [/poem]

[align=right]


محمد السبيعي

[/align]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ضيقة الصدر .. لك شرهه على صدري=و يا صدري - الضيق - لا تشكيه لـ ( احبابك )
يا ملهم الشعر .. ترجم شعري المقري=لـ ( أشياء ) كثيره .. توقفني على بابك
تدرج الحب فـ ( اعماقي ) وانا ما ادري=الا بعد ما بديت افقدك في غيابك
بديت .. أدورك في اوراقي و في حبري=و كحلت عينك .. و صار الشعر جلبابك
في غمضة العين ، جاء تغييري الجذري=ما عاد يكفيني .. انك تبدي اعجابك
من كثر ماني بـ [ أحبك ] .. حبي العذري=يجبرني / أحترمك و يجبرني / أهابك
ما نقص الحب .. لا قدرك و لا قدري=أمنيتي .. أغيب و اسمع نبرة عتابك
اليوم .. عيد الفطر والا انت من بدري=عايدتني قبل حتى تلبس ثيابك
و حطيت لـ ( العيد ) فرحه ما هي بـ ( خبري )=ما شفت وجه الفرح الا من اسبابك
لا يصبح العيد لا عذرك ولا عذري=العيد لا قمت .. تحيآبي وانا أحيا بك
مليت .. ليل السكوت و محتري / فجري=تعال .. و اشره علي ان قلت : وش جابك [/poem]



[align=right]


طلال الجميلي

[/align]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقولـلـي !! يابـنـت ودي قصـيـده=عن الفراااق وماجـرى منْه..تكفيـن ؟؟
قلت أبشر مْن ..اعيونـي اللـي تريـده=لوكان ماتعلـى علـى الحاجـب العيـن
الفـراق ماخلّـى ..نْفوس(ن)سعـيـده=أحرق قْلـوب امْلوك..وابكـى سلاطيـن
والعمـر لـه حـزّه ويقضـى رصيـده=واكبر خسـاااره فيـه طـرد المقفّيـن
وكل(ن)مقاديـره علـى راحـة..ايـده=مكتوب لـو ماكـان حنـا.. بْراضيـن
يامـا جنى..مَنْ..قبلنـا مـن حصيـده=وياااما..شكى جُـوره مئـات الملاييـن
شفْنِي دْموعـي فـووق خـدّي جديـده=أبكي..فْـراق الاهـل مبطـي وهلحيـن
وماصـارت الدنيـا علـى ما..نـريـده=وياما..سهرت الليل.. والناس ممسيـن
الفـراق وَصْفـه كالريـاح الشـديـده=لاهبّت..اتكسّر..اغصـون البساتـيـن
شكاه...حتـى اهـل القلـووب العنيـده=توومي عواصـف لوعته..بالشرااييـن
الفـراق لـه عدّة..مراااحـل ..عديـده=وكل(ن) على ظرفه....عسى ربّك..إيعِين
وداام الأمـل موجود...نفسـك سعيـده=فرقى الحياة أهْوَن!! ولاموووت غاليـن[/poem]

[align=right]


شاعرة نجد
[/align]

[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماغاب لي حاضر ولا مات لي حي =لكن حظوظي فالمعاناه زادت
ابكي على لاشي واضحك على شي =لادنات شي جروح قلبي تنادت
اظلم سماي وتهت عن مصدر الضي =واخطاي عن درب المسرات حادت
حرارة شعوري كوت خافقي كي =كن المشاعر في جهنم تهادت
اكتب ولاتدري عن احساسي يدي =ولو تفهم احساسي من الحزن بادت
واللي تغيب شوي وتعود شوي =ياليتها مماتشوف استفادت
انكر إذا راحت وإذا جاتني هي =اللي نمت في حنو ضلعي وسادت
فارقت حزن غيابها وردته لي = انا اردت وقدرت الله ارادت
احيا العرب ماعاد لي بينها حي =والوحده بتعذيب قلبي تمادت
وانا الجفاف العاطفي لاعبً في =كم هينه جيت التمسها وكادت
للذكريات انواع واجودهن الني =اللي لياهب الهواء صلف جادت[/poem]


[align=right]


عفاس بن حرباش
[/align]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
القضا ياقف على علم الطليب = والبلا سبحان منهو يدحره
اركزو للبير ياهل البير شيب = دام ارض البير ماهي مسوره
جات لك ياهيه من كفٍ عطيب = ياصغيرٍ ماتباطينا اخبره
فالطريق اللي يودي مات ذيب = والسبب المعروف محدن عبره
لو يطول الوقت ويبين المشيب = غلطة الطيب تراها بـ عشره
ولو يضيق الصدر والكون الرحيب = غلطة الجاهل مثل نتف شعره
وانت ياللي فيك شك وفيك ريب = خل عنك اللفلفه والبربره
اسمع المضمون فالراي الصويب= وخذ علمن مانكتب في مذكره
انت عندي لا بعيد ولا قريب = والصدور اليوم مثل المقبره
لا تجيني وانت لك وجهن غريب = الوجيه السود ماهي مقدره
خل علمك في ضميرك يالكئيب = اغلب علومك هياط وثرثره
لو تكن الدمع وتزيد النحيب = منت كاسر خاطري ومجبره
خابرك لو صحت لك منته مجيب = مايجيب الذيب من خاوا مره
الضعيف ضعيف يالوقت العجيب = ومن هدم صرحه ترى ماعمره
اختصر لك انت منته لي صحيب = غلطتك عندي مثل نتف شعره[/poem]

[align=right]

حسين عزام

[/align]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
رغم اختلافي معك في بعض الأشياء= إلا وقدرك ثابتٍ في مرابعك
ماهزّة الكاين ، ولا بات مستاء= عرشه جميل ، وجمّل الله موقعك
ما يطفي أنفاسي مقابيس الأضواء= ولا يلجم اللساني معاني جوامعك
اراء تبعد نجع ، واراء لآراء= ورأيي صويب الرأي ، والحق يمنعك
لا قلت مال أمواتنا ضمن الأحياء= ثارت جنون المجتمع في مسامعك
تأخذك بالعزّة مقاليد الأخطاء= وتأوّل المعنى على كيف مرجعك
نعي الحقايق غير تهميش الأهواء= من سالف الدنيا ليا حـدّ واقعك
أما اعتليت بسيرتك فوق الأنواء= وكلٍ ذكر له من حساني طبايعك
وإلا على خدك يجوبون الأنحاء= وتبقى معالم صورتك في مدامعك
الحق ما عكــّر مباهيش الأجواء= ديدنه يعلي من مقامك ويرفعك
والكذب ماله حس ، وإن جاء له أصداء= ودّه بنفعك ، مير ما هوب نافعك
لاجاء نهار الدين ، والعلم مرتاء= والناس ترجوا ، والبلى ما حدٍ معك
أيمنك صعب الوصف وأيسرك ضوضاء= وكتابك الخافي ؛ ألا .. وين يودعك
عش موقف الرهبة لو أنصاف الأجزاء= اتزيل ما أخطاه الفكر من دوافعك
وإن قلت لي : ما لي على كبح الإغراء= أقول : مابه شك ؛ يرضي تواضعك
أرخيت له عنقك ، وقادك للاغواء= ثقل علاك الحمل ، وأخلف تراجعك
مير اسأل المولى من الهم والداء= مابه سواه اللي يخفف مواجعك[/poem]


[align=right]

لــ محمد مشوط

[/align]

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الديره اللي صححن قفرن خلا=يا صاحبي مشعان وش تبغى بها
زودن على ذلك لا ماء ولا كلا=لا اصبح بها الشاوي معاد امسابها
لقيت فالصوره هضابٍ وسهلا=من عصر نوح اسهولها واهضابها
وأنته ذبحك الحب واشقاك الولا=وأنا ما ألومك لو تعشق ترابها
لي ديرةٍ مثلك غلاها منزلا=في شاشة عيوني وخلف اهدابها
ينزل على قلبي وانا احلف له على=آيات نزلها الولي فكتابها
يا ذا الغلا مالك مشابه فالغلا=الا عيوني وانت سر أعجابها
ديرة جدودي مرحبا يا مسهلا=أنا فدى ضلعانها واشعابها
كني به فزعه ونخوه وشكلا=وارجال تفتل دونها بأشنابها
كم زهبت بندق وكم راح قتلا=ومن خلقت الدنيا هذا دولابها
أغيب عنها مير فكري ما سلا=عنها الطراقي يخبرون احبابها
واليوم بعد البرج فالديره علا=أخبارها برج الموبايل جابها
نكلم أبناء العم فيها من إلى=والناس ويش الناس لولا اقرابها
صلة رحم ولا عدم ولا خلا=من ناس تلتمس الوفاء فعتابها
هذي هي الديره وأنا وأنت زملا=يا بايع الصوره وصلك حسابها ![/poem]

[align=right]




لــ مناحي
[/align]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحق مايزعـل زحول الرجاجيـل=وكل على ما قيـــل مــن دون حقــه
ومـادام لي حق عن الحق ما اميـل=مهمــا لقيـت مــن التعب و المشقــه
الرجـــل ودك حزة الضيـــق حلحيـل=وبعض الموافـــق مـــا تعامـــل برقـــه
مـاني بمن يرضى على النفس تذليـل=من الــذل مــا ارضى لو بمثقــال بقـــه
ولانــي بمن يركض ورى القول والقيـل=ولانــي من اللي لاخـــذا العلم بقـــــه
ولا التـــفت لحقــوق غيري ولا اعيــــل=والثــوب نستر خملتـــه مــا نشقــــــه
والـراس راس ولا يعــود على الذيـــل=و الذيب ينهش باللحـــم ما استرقـــــه
والكدش ما تحسب ليــا عدت الخيل=ولا يجبــــر المسمـــار كود المدقــــــه
والشمس نور ونورهــــا يجلي الليـــل=والنـــــار تبـــدا بكل ما تستــدقـــــه
والجدي مرجع والعرب عشقها سهيل=والنوخـــذه يفهــــم بغبــــه ورقــــه
والكيـــف هيــــل ودلتين وفناجيـــل=وبــن ونــجر لا نضــــا البـــن دقــــه
من شــب لـــه من نور غيره قناديــل=يستــــر على نفســـــه قبل لا تعقــــه
من صد من غيـــضه عســـاها تساهيل=نقضي ولا نتعــــب ورى كـــل نقـــه
يزعــــل وترضيـــه الليــــال المقابيـل=وان كانهـــا بالحق حنـــــا نحقـــــه
والا فانـــــــا ماجــــاه مني بهاذيـــل=وكانــــه زعـــل من موقفي يستحقــــه
يشـــد حيــــله بالزعــل كان به حيـل=وفي طوفتــــه لاضــــاق راســـه يطقــه
ما همني لـــو فصـــل الهرج تفصيـــــل=نجم عــــلا ما كــــل عيـــن تحقـــــــه
اشره على بعض الرجــــــال المشاكيــل=مـــا ميــزت مــا بين جلـــه ودقــــــه
والا الخبـــول اللــي ترد الأقاويــــــل=الكل منهم منتــــــه وســـط رقـــــــه
يا جـــاهل كثـــرة عليــــك الغرابيـــل=مــن الشوايب ضـــايع الفكـــر نقــــه
اتعب على كسب الرجــــال الحلاحيـل=والا الردي لــه عرض الأكتــاف لقــه
وقت الرخـــا يعجبــك بالحط والشيــل=من السطــر يرقص على كـــل دقــــــه
يذبــــح ويصلـــخ في كـــلام وتضليـــل=وينهـــار لا مــن اشهب الوقــت رقــه
الرجـــل مـــا يخدع بزيـــف وتمثيـــل=ولا يــخاوى كــــل من كــــان عقـــــه
عليـــك بــاللي يفهـــم العــدل والميــل=اليـــا حصـــل عن جور الايـــام وقـــه
ينفعــــك لا صكت عليــــك المحابيــــل=هذاك حطــــه فـــوق راســـك ورقــــه[/poem]



لــ سعود الردعان الهاجري

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياملذات الهجوس اللي على ذوقي وفنّي=وش يكون الشعر من دون المغاني والمباني
والمغاني والمباني ما تجي الا بالتعنّي=في خيال الفكر مثل البرق تقدح في ثواني
من غنمها صادها من غير تأخير وتأنّي=ومن حرمها ما كسب غير العذاب ولامْتحاني
ومهما كان الشعر والهاجوس وإبداع المغنّي=ما تقارن بآيةٍ وحده من آيات القرآني
ودي آغنّي وأجرّ الصوت فالمرقب لكنّي=شايلٍ لي ضيقةٍ ما عاد ياسعها بْطاني
يا فهد لا عاد بعلوم المحبه تمتحنّي=من بعد فرقا خليلٍ عانق سهيل وجفاني
بعد كنت وكان منه الوصل نوب ونوب منّي=ان تباطيته لفيته وان تباطاني لفاني
المشاعر يوم اشوفه كلها ودّ وتمنّي=والقصايد في وصوفه من فوادي في لساني
سامح الله ما مضى واللي يرد العلم عنّي=لا يقول انّي جحود ولا يقول إنّي أناني
والله انّي والله انّي والله انّي والله انّي =ممتلي صدري هيام وعشق وأحلام وأماني
لكن الايام ما جت لي على شفّي وظنّي=في ذهاب وفي رجوع وفي طلوع وفي طماني
كل ما قلت آآه يا جرحٍ من الرمح المطنّي=صاحت الايام : لمّ الجرح من بين المحاني
وشرهة العاشق على الايام نوع من التجنّي=ليه يوم آصدّ ثم أقوول :جاني ما كفاني
ليه ما اضرب بالغلا لا الكوع وآعيش مْتهنّي=الليالي ما تعلم بالقدَر والعمر فاني
والعذر : طيش الطفوله والزمان وصغر سنّي=كل شرهة قوم أحمّلها على ظهر الزماني
ما استراح من الطعون الا الحبيب اللي طعنّي=والا استباح من الجروح الا فؤادٍ ما يداني
روّحت برقٍ يلوح وعوّدت رعدٍ يدنّي=يعجب وساع العيون ويطرب رهاف الاذاني
واعتزيت ولا ارتكيت الا على ذوقي وفنّي=للهجوس اللي لها ودي وشكري وامتناني[/poem]

المسرّي

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحبّ ماعاد ندري وش نسوّي به=مستعمر قلوبنا .. ويطقّ الأصباعي

يسطي علينا ويسلبنا بأساليبه=حاكم ويآمر وينهى وأمره مطاعي

يا صاحبي .. والغلا صفيت مشاريبه=لا عاد تآكل شقاي وتشرب أوجاعي

أصارع الشوق .. وأوديّه وأجيبه=وأن هزني قمت أهز لشوفك شراعي

من يوم خشّيت قلبك قلت حليّ به=لكنّ قفلّ عليّه حدب الأضلاعي

محبّتك شاركت كوني بتركيبه =أصبح سماها سماي .. وقاعها قاعي

أحيان أدوّر لعينك قاف أغنّي به=وأحيان اقول القصايد مالها داعي

وفي كل الأحيان أشيل الحبّ وأمشي به=وإلاّ قصيدي عسى يفداك لا ضاعي

لازلت شاعر شباب وهاجسي شيبه=مرّت عليه اللحون أشكال وأنواعي

لا شكّ شعر الغزل ماعاد يحري به=وشلون ضاق الغزل وعيونك وساعي

فتّح عن الشكّه .. وغمّض عن الريبه=عينك رسالة غرام ورمشها ساعي

وقلّي مساء الخير والإحساس والطيبه=بللّ عروقي بصوتك وأطرب أسماعي

وأن كان مديّت لك كفيّ .. لا تومي به=وإلاّ ليا أوميت به .. لا تلوي ذراعي !![/poem]

[align=right]

لــ سداح

[/align]

المشاركة الأصلية كتبت بواسطة سداح

السلام عليكم ،


بويتات مدري كيف حالها .. والظاهر أن لها نصيب كبير من عنوانها !


[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
الحبّ ماعاد ندري وش نسوّي به=مستعمر قلوبنا .. ويطقّ الأصباعي

يسطي علينا ويسلبنا بأساليبه=حاكم ويآمر وينهى وأمره مطاعي

يا صاحبي .. والغلا صفيت مشاريبه=لا عاد تآكل شقاي وتشرب أوجاعي

أصارع الشوق .. وأوديّه وأجيبه=وأن هزني قمت أهز لشوفك شراعي

من يوم خشّيت قلبك قلت حليّ به=لكنّ قفلّ عليّه حدب الأضلاعي

محبّتك شاركت كوني بتركيبه =أصبح سماها سماي .. وقاعها قاعي

أحيان أدوّر لعينك قاف أغنّي به=وأحيان اقول القصايد مالها داعي

وفي كل الأحيان أشيل الحبّ وأمشي به=وإلاّ قصيدي عسى يفداك لا ضاعي

لازلت شاعر شباب وهاجسي شيبه=مرّت عليه اللحون أشكال وأنواعي

لا شكّ شعر الغزل ماعاد يحري به=وشلون ضاق الغزل وعيونك وساعي

فتّح عن الشكّه .. وغمّض عن الريبه=عينك رسالة غرام ورمشها ساعي

وقلّي مساء الخير والإحساس والطيبه=بللّ عروقي بصوتك وأطرب أسماعي

وأن كان مديّت لك كفيّ .. لا تومي به=وإلاّ ليا أوميت به .. لا تلوي ذراعي !!
[/poem]


وسلمتوا ،،

لله درك يا دكتور

لـ / الفجر البعيد

البارحه جيـت بكتـب لـك قصيـده غـرام
من باب تمجيد شعري لـك وشوقـي اليـك

لكنّ تذكّرت جرحـك لـي وضـاع الكـلام
تبّت يد الشـوق وجروحـك لاتبّـت يديـك

همّلتني فـي خضـمّ المعضـلات الجسـام
وانا ارفض يكون لك في طوق صدري شريك

ياليت لطلال جرحـك مـن زمانـي هـدام
وانكراذا قالـت الدمعـات فـي يـوم ابيـك

ياسايـق الفجـر بجحافـك لحـد الظـلام
لا تحتري في سماك الا الغـروب الوشيـك

الحب لحظه تجـي بيـن الضيـا والعسـام
اتخلّـد العمـر كلـه بيـن هـذي وذيـك

حاولـت اردك مكانـك عبـر درب المـلام
ولا قدرت امنـع ابياتـي ماتقسـى عليـك

لو تنصف الحب عشنا فـي علـو الغمـام
ولا ملّت حروف شعـري بالفـرح تحتويـك

...

لـ / عفاس بن حرباش

الشعر شعاره اشقـى مـن جماهيـره
قاصربهم طوله وضايـق بهـم عرضـه

ياكم تعلوا علـى عرشـه مشاهيـره
وافنتهم الريح ولا اكلتّهـم الارضـه

واللي يدلس علـى الواقـع بتبريـره
ب..اشياء مفروضه وب.اشياء مفترضه

إيجـازه يكبـر اخفـاقـه بتقـريـره
إيجـازه بسنتـه واخفاقـه بفـرضـه

الواقـع المـر لـو حاولـت تمريـره
سدّت اذاني علـى التمريـر معترضـه

ياللي تفاخر بشعـرك فضهـا سيـره
نوعيتك من عيـال النـاس منقرضـه

مافيه مبدع حقيقـي يحمـل الغيـره
الا علـى دينـه ومرجلتـه وعرضـه

والشعـر مايكتبـه لمنافسـة غـيـره
مايحصد الزارع الا مازرع فـارضـه

يكتب ويلقى الرضى عن حسن تعبيره
وانت اكتب لمن يتابع خيبتك وارضـه

....

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
معْك انتهى صبري ومعْك انكسر باسي=والحل ماهوب في ايدينك ولا ايديني


ان ماوقف حظّنا مثل الجبل راسي=وأسقيك من نبع تحناني وتسقيني


ولاّ ياكثر الملا أشكال وأجناسي=اختار فيهم وأنا ذكراك تكفيني


ماودي أكتم شعوري وأخفي احساسي= والله ان ودّي أبوح بكل مافيني


لكنّ ظروف الحياه وطبعها القاسي=تجبرني اللي بقوله تنطقه عيني


غايب عن الناس .. ربعي وأهلي وناسي=واقف وأراعيك لوّك ماتراعيني


تدخل مع أنفاسي وتطلع مع أنفاسي=ومع كل دقة خفوق آجيك وتجيني


يدور لحظه بلحظه طيفك براسي=وطاريك لاثارت أشواقي يهدّيني


غرقت فــ .. مْوَدّتك من راسي لــ .. ساسي=وأغليك بالحيل وأدري فيك تغليني


سعادتي في ايدك وفي ايدك تعوماسي=ماني مخلّيك لكن لاتخلّيني


لوغبت عني شهر بالك تجي ناسي=أيام وأيام كنت بْها عناويني


رح بس أمانه معك هاك أصدق احساسي=خلّه معك واحفظه حتى تلاقيني [/poem]

[align=right]


فهد بن عبدان

[/align]

المشاركة الأصلية كتبت بواسطة مسفر الجعيد

[align=center]

السلام عليكم

ابيات لتواصل معكم
[poem= font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

مرت علي ايام في حب واشواق=والليل ينعشني شذاه ونسيمه
كان الغلا والحب فالقلب خفاق=حب ٍ شريف وفيه حشمه وشيمه
سارت بواخرنا على كل ما لاق= الطيب والنخوه ونيه سليمه
اعطيتني ميثاق واخذت ميثاق=وكانت علاقتنا علاقه حميمه
والحب بعد انه تغلغـل فالاعمـاق=اعمي عيوني عـن حقايـق اليمـه
يا ما كتمت الهم والدمع دفاق=بين الرجاء والياس فرحه يتيمه
توعد وتخلف والفضاء والصدر ضاق=غرتك نفسك والعواقب وخيمه
حديتني لا قصااااى واعلنتها فراق=واليوم حبك صار من غير قيمه
ما جيت اعاتب لك ولا جيت مشتاق= جيتك موادع والسلامه غنيمه







[/poem]





وسلامة قلوبكم





[/align]

[align=right]



صح لسانك ولا هنت
[/align]

المشاركة الأصلية كتبت بواسطة عادل العصيمي

[align=center]بسم الله الرحمن الرحيم



طريق النجاح



[rams]http://www.tntup.com/audio/audio/6b06e5c771527ae15a99e1e52db4e931/طريق%20النجاح.mp3[/rams]


[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
اغرس الشجرة وواظب بالسقاية = كل شي بهالزمن صعب البداية
طعّم أحلامك بشيء من العزيمة = وأترك الباقي لخالق كل آية
وأغنم الفرصة مادامك في شبابك = لن تعبت أتعب وريّح فالنهاية
أجتهد وأصبر وفكر في حياتك = الكتابة ما تجي قبل القراية
النجاح اللي يجي باهون وسيلة = مثل طفلك يوم تعطيه اللهاية
تفرحة لكن بعد فترة بسيطة = يطفش ويرجع على نفس الحكاية
من تعب في شي لا بدّه يصونه = ما يفرط به ويوليه العناية
أحتزم بالصبر تجتاز الصعايب = وأعرف أن الأمر يؤخذ بالدراية
أرسم الخطّة وواصل في مسيرك = وأطلق أقدامك على درب الهداية
حقق أحلامك ولو كانت بعيدة = وانقش أسمك وأرفعه في كل راية
كل غاية فالزمان الها وسيلة = والوسيلة ما تجي من دون غاية[/poem][/align]

صح لسانك ولا هنت

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يقولون ( عين العقل ) واقول (عقل وعين) = ليا اجتمعت الثنتين في شخص يازينه !
وانا استبعد ألقى فآدمي هذي الثنتين = ومن فيه هذيّه تباين براهينه !
ولاهو بكامل لو خلقه الله ابقلبين = ليا خالقه ماجمّله صار ياشينه !
لكن الكمال لخالق ابن آدم امن الطين = هذا عقله ايغرّه ..وذا خانته عينه !
هذا ماطرالي والحقايق تجي بعدين = وخط الرساله واضح ٍ ..من عناوينه !
ياكثر المجنّن / كل ما اتذكّر الصاحين = زمان ٍ مجانينه طغت فوق صاحينه !
وياكثر الكلام الشين .. واهل الكلام الشين = وعسى الله يساعد راعي الصبر ويعينه !
على وين رايح ياقليل المعرْفه وين = رفيقك تذمّه ليه ! وش بينك وبينه !
ماتدري ان هرجك فالقفا ياغراب البين = يحمّلك ذنب / وهو تثقل موازينه !
ابو وجه واحد / ماحسب لك يابو وجهين = مسميك فعلك / والنشاما مسمينه !
بنيت اغلب ارائك على الضن والتخمين = وهذا مسوينه / والآخر مسوينه !!
ألين ابتلشت بنفسك وصرت بين وبين = تحسب ان راع الشر تفلح معاوينه !!
وانا والله اني بالحكي ما ألحق المقفين = لو انه ليا قفيت قرّب سكاكينه !
اسامح وادوّر عذر للجاهل المسكين = ماودي ان بعض الناس تركض شياطينه !
واقدّر واجامل حشمة أصحابي الغالين = ومن لا حمل زلاتهم شلّة ايمينه ![/poem]

[align=right]

محمد بن رشيد

[/align]