*رحله الى المدائن*

تشرفت الإسبوع الماضي بزيارة أخي وصديقي / نادر العنزي * بمنطقة تبوك و كانت رحله رائعة جدا تعرفت فيها على جزء غالي من وطننا العزيز وزرت اماكن لأول مره ازورها .قضيت الزياره بين تبوك والحجر ومدائن صالح والعلا . . : )
من اجمل وامتع الزيارات .تمنيت أن كل المرقابيين معي في هذه الرحله .. : )

وتشرفت أيضاٌ في ضيافة شاعر المحاوره المعروف / شاهر العنزي * فشكرا لك أبو نواف على كرم الضيافه وعلى روحك الجميله وسوالفك الممتعه ومواقفك الطريفه : )

وتشرفت أيضاٌ بحضور الرائع والجميل / عبدالله الطلوحي * فشكرا لك على تعاملك الراقي معنا في هذه الرحله .. : )

اصدقاء الرحله في سطور .. : )

شاهر العنزي * روحه مرحه جدا اذا قابلته كأنك تعرفه من زمن بعيد سوالفه ممتعه اخلاقه عاليه جدا جدا شاعر مميز يجيد التعامل من المواقف الصعبه امتعنا بمحاوراته الجميله والرائعه : )

نادر العنزي * الأنسان هذا لو أقول مهما اقول ما اوفيه حقه اصابته اخر ايام الرحله ارتفاع في درجة الحراره فأخفاء هذا الشي عنا حتى لا تتعطل الرحله فبعد الرحله ورجوعي الى الغربيه تنوم فالمستشفى لمدة يومين فعلا ستبقى نادر يانادر : )

عبدالله الطلوحي * هادئ جدا كان هو من يهتم في كل شي رجل في قمة الأخلاق والمثاليه نشيط وحيوي جدا جدا : )

لا أجيد كتابة المقدمات لكن اترككم مع الصور وإن شاء الله إنها تعجبكم . . : )
فهذه صور من مدائن صالح أحببت ان اطلعكم عليها وتقبلوا خالص شكري وتقديري ..


من هنا بداية الطريق واللي يسوق المحترف نادر العنزي وكان يسوي مهارات فالقياده ..





المدخل الرئيسي لمدائن صالح : )









صور من الداخل طبعا من اليمين نادر العنزي وتركي عبدالله : )










وهذه أجزاء من القطار اللي يربط تركيا بالمدينه في العهد العثماني : )
















صورة مسجد من الخارج ويقال انا هذا المسجد صلى به الرسول عليه الصلاة والسلام فيه عندما كان متوجها لغزوة تبوك .. : )


بداية دخول المسجد : )


صور للمسجد من الداخل : )






وفالختام كنا في ضيافة الشاعر المعروف / شاهر العنزي وتشرفنا بألتقاط الصور معه .. : )

وأشكر الأخ العزيز / نادر العنزي على هذه الرحله الرائعه وبيض الله وجهه على كل شي ..

ماشالله تبارك الله

المملكه العربيه السعوديه تزخر بالاماكن التراثيه والتاريخيه

وتغطيتك المصوره تدفع بنا لزيارتها متى ماسمحت الظروف

شكرا لك


وعنزه يستاهلون المدح

ماشاء الله

ما يحتاج عيال وايل مافيهم هرجه وانت تستاهل يا تركي

بالمناسبه
الصوره ذي




جزء من قلعة وادرين الشهيره ..!


لاهنت

الله الله

يابو عبدالله

مايستغرب الكرم من اهله وانت تستاهل .. وثقت الرحله وكننا معك

رغم اني قضيت في تبوك سنتين لكن للاسف ماجيت هالاماكن وان الله عطانا عمر جيناها

تحياتي

مشاءالله


تغطيه حلوه وجميلة ياتركي


والله ان كننا معك في الرحله


لكن ترى المره الجايه ماحنا قايلين لك وخلك تشره عشان نعلم عليك بن صامل يتفاهم معك


بصراحة امتعتنا بهذه التغطيه واهل تبوك يستحقون الزيارة ولا هيب غريبه كرم الضيافه والاخلاق


تصدق ياتركي تنفع تكون ( مرشد سياحي ) مشاءالله عليك ماخليت شي

ماشاء الله تبارك الله

بالتاكيد رحلة جميلة وممتعة

كيف لا وانت في ضيافة نادر العنزي وعبدالله الطلوحي وشاهر العنزي


واحسافة ليتني معك كان ابا استانس

مير العوض فالمقبلات ـــــــــــــــ مااحد عزمك


بالتوفيق ان شاء الله

والله والف نعم بـ .. عيال وايل

بيض الله وجيههم .. هم هل الطيب من قديم الزمن .
وانت تستاهل يابو عبدالله ,

وبـ .. صراحة الصور .. مغرية .. وكأنك الرحاله ابن بطوطه .. كولومبس


,,

لا هنت يا تركي والله يعطيك العافية
انت ومن كان معاك فعلن صورك تخلي الواحد
يقول ( انا كنت هناك )

وكسبنا معلومه منك لا شك ...

شكرا شكرا شكرا

زيارة ميمونه يا تركي رغم تحفّظي على بعض النقاط ..

نادر وشاهر وعبدالله خوّتهم تنشرى .. والله يبيض وجيههم
وهم أهل الطيب .. والكرم



أمتعتنا بتلك التغطية الرائعة
وعقبال زيارة مرقابية متكاملة لتلك المواقع بدون اشعار لبعض الناس

:

ماشاء الله تبارك الرحمن رحلة ممتعه
أخي الكريم تركي ألف شكر على التغطية المميزة ..
دمت بكل الخيـر ..

ماشاء الله

صور وتغطيه رائعه

تحيتي

..

زياره غير ..


بيض الله وجه نادر وشاهر والطلوحي


رحله جميله بلا شك والدليل الصور الجميله الملتقطه


كل الشكر لك يا ابو عبدالله

اولاً و قبل كل شئ الحمدلله على السلامه يا نادر و ما تشوف شر

و شئ طبيعي ترتفع درجة الحراره عليك.. البركه في تركي عبدالله..
و زين انها من الحراره و جاي..


أخي الغالي ابو عبدالله...

صراحه الصور تطينا دفعه معنويه قويه لزيارة تلك الآثار و المحطات
التاريخيه الإسلاميه المهمه...


و كنت اتمنى حقيقةً ان اكون معك خلال هذه الرحله...


و عيال وايل بيض الله وجيهم على زين الاستقبال و هم اهل الوفاده بلا شك...


شاهر و نادر و عبدالله
بيض الله وجيهكم


تحياتي


ش. س.

فعلاً موضوع رائع يا تركي عبدالله
واتمنى ما يكون آخر موضوع من هالنوع سواءً منك او من بقية الاعضاء !

أما الصور جميله جميله الى ابعد
ونادر صديق عزيز لـ الجميع ولا غرابه فـ الطيب لا يستغرب من اهله

شكراً

:
:


رحلة جميلة ..
من جمال اطرافها ..

والصور اعطت نقل تفصيلي للرحلة ..
صور سكة القطار جميلة جداً ..
مع تحفظي على زيارة منطقة (( الحجر )) ..



تركي .. بصراحة تنفع في هئية السياحة ..
لاتخلينا من الصور الباقيه ..
<-- وش دراك أن فيه صور باقيه .. ؟؟؟

روعة يا تركي ، ومثل هالرحلات هي اللي تسوى

وما يشوف شر نادر

وعلى كذا خلاص ، الظاهر يبي يصير محجوز على طول نادر كمرشد سياحي للمرقابيين



سلمتم جميعا




تحياتي/ حامد

زيارهـ غير يـ ابو عبدالله
ونعم فـ عيال وايل ولا هو عريب عليهم العلم الغانم
ودي

الله الله

روووووعه يابو عبدالله ..

وكفو والله بعيال وايل أهل الطيب والكرم ..

لكن ! ...

ليه ماعلمتني ؟؟

الله

صراحه صور رووعه والتقاط جميل وواضح ماشاء الله

واماكن تراثيه وآثار راااائعه
امتعتنا بهالصور الرائعه يا اخي تركي

ومالك حق تخلي اخي نادر حرارته مرتفعه وانت صيدلي والا خاش العلاجات :Icon29:

لاهنت

اجمل تحيه

و
ج
د

أخوي تركي عبدالله :

الله يبيض وجهك على الكلام الجميل وهذا من طيب اصلك وتربيتك الطيبه . . .

أنت ما جيت إلا عند ربعك واخوانك واللي سويناه دون واجبك . . .

ويقولون دائما (راع الأوله ما ينلحق ) وأنت كذلك . . .

إلى كل من مر أوسيمر أقول :

ما عليكم زود , والله لا يهينكم على الكلام الطيب , ونفخر بمعرفتكم وبزيارتكم لنا بالشمال , ,

والله يحييكم في أي وقت . . وتأكدوا أن لكم بيت في تبوك يفرح بزيارتكم . . .

محبتي لكم جميعا . . .

تقرير رائع ،
وتوثيق جميل ،
ورحلة موفقة ،



فعلاً كما يقال
أصحاب وأحباب
وخوة نشاما





تحيتي لكم ،

المشاركة الأصلية كتبت بواسطة فهد بن عبدان

ماشالله تبارك الله

المملكه العربيه السعوديه تزخر بالاماكن التراثيه والتاريخيه

وتغطيتك المصوره تدفع بنا لزيارتها متى ماسمحت الظروف

شكرا لك


وعنزه يستاهلون المدح

فهد بن عبدان


شاكر لك حضورك الرائع والجميل .. : )