فصيلة ( هم ) .. !!

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا اكثر الناس ضيقه مع شروق الصباح = وانا اكثر الناس فرحه لاتعدى ونمت
راح عمري وماجاني من الناس راح = ولابقى الا كلام يفرقه صوت صمت
ماعاد أدور من الايام غير الفلاح = وانا اعرف ان الفلاح برمته لألتزمت
كم مره اهز صدري بالتعب لين طاح = وكم ليلة افرح بذنب ولا ارتكتبه ندمت[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اجمل شعور يمر في بال الانسان = انه يعيش بقرب قلبٍ يحبه !
حياته ابيض وآسود وحبه آلوان = زانت حياته واصبحت مستتبه !
ياكم قطف ورده من آطراف بستآن = وعذره معه / لنه قطفها ( مشبّه ) !
حبيبتي مآعاد لي هجس ولسآن = لنك شعر عذب وشعوري مصبه !
قلبك من البارح وسهرتّه تعبان = نآمي وخلّي نبض قلبي ( منبّه ) [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في ظرف شهرين غيرتي قنآعاتي = مدري سكنتي بها ولا هدمتيها ؟
ياكم كشفت المشاعر دآخل ابياتي = ومن قبل لا احطها في ركني / الغيها !
بالمختصر أدري انك عمري الآتي = قولي آحبك بنفسك ، آو خليها [/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مشتاق لك واحتاج لك واتحراك = وآخذت من غيبتك ساعات عبره !
ودي آعود نفسي ان غبتي آنساك = وآشوف قلبي/ عنك وشلون صبره ؟
واشتقت لك قد الخجل في محياك = وصبري مثل فمك الصغيّر وكبره ! [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نفس الشعور اللي له آربع سنوات =اللي حرمني من منآمي وآكلي
نفس التعب / نفس السهر / نفس الاوقات = مافيه فرق الا فـ..عمري وشكلي ! [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في بعض الاحيان ودك للرسائل وجيه = وتآصل وجيه الرسائل ماليتها الدموع !
من مآت آخوه اتلعثم قبل اعزيه / فيه = الاخو قلب الاخو ولا البقيه ضلوع !
واللي مثل نآصر ابكي منه وابكي عليه = ماودي الحزن يلقى في شعوره ربوع !
الله يغفر لعبدالله ويجزا ذويه = عن صبرهم فالخميس وفجعهم فالربوع [/poem]

[ALIGN=CENTER][TABLETEXT="width:100%;background-color:#E3E1DF;border:4px double black;"][CELL="filter:;"][ALIGN=center]

- فوق البيعه -

استغرب من نفسي عدم الملل من مشآهدة ( مسلسل .. الزير سآلم )
لـ المره الرابعه ،
وفي كل مره اتآثر من [ بعض احداثه ]
سـ أحاول جاهداً ان اقلع عن مشاهدته ..
قبل ان ينكسر ظهر الزير لـ المره الرابعه
لأني لأ احب ان ارى ( كسرة ظهر ) الكبير ..

- مخرج -
في كل يوم .. اتآبع [ الزير ] و آقول :-
ياليتني .. من شوفت الزير ( سآلـم ) !

[/ALIGN][/CELL][/TABLETEXT][/ALIGN]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
جآزت لك الغيبه ولاعاد جيتي = وآذا رجعتي مارجعتي بروحك
اذا نسيتي قولي انك نسيتي =واحاول انسى ما بقى من جروحك[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياضيقة الصدر شوفي غير عيني طريق = واخذي قساوتك من درب التعب وآطلعي
مابين حزن الحياه وبين فقد الرفيق = دخّلني الحزن في حآله من اللا وعي !
حلقي نشف ريقه وحول على العين ريق = وآذا نشف دمع عيني سال دمع اصبعي
وآدعته البارح وقفى وقفى صديق = ان ضاق قلبي معه وان ضقت قلبه معي[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
بعت الكلام ورحت آدور مكاسب = مثلي مثل من بآع قبلي كلامه !
ليت الحزن ينبآع عني وآحاسب = من يوم بيعه لين يوم القيآمه
اليوم هذا يوم ماهو منآسب = للكلمه الزينه ولا الابتسآمه ![/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه مر قلبي في متآهة سنين = واستذكر الفرصه اللي جاته وبآعها
بآع الفرص با آرخص الرغبات للمشترين =وراحوا بها واتركوا نفسه على آوضاعها
ليلة يبآت بفرح واربع ليالي حزين =ولاعاد له رغبه تحده على اشبآعها[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
لا الشاعر الاول ولا الشاعر الثاني = الشعر مليت منه ومن طواريقه
روتين يوم وحياه وعمري الفاني =ماعاد ياسع فرح شعري ولا ضيقه !
الشعر لااماتني قوله ولا احياني =ولا زادني من يعلقني بتعليقه
وآنا مجرد مواطن وآعشق آوطاني = لو الظروف المعيقه بقيت معيقه
اصادف الليل وامسي وين ماامساني = والصبح لاصار صاخب جو ، ما اطيقه !
يطيح دمعي على اصغر موقف انساني =ولا ادور الا عفو ربي وتوفيقه !
ونقص المناعه تخيرني وخاواني = انا اول انسان يمرض لابرد ريقه !
وآحلامي امهديه لا التهبت احزاني =والموت من دون حلمي مثل تحقيقه ![/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
تحت مجهر التفكير وشعوري المرتآب = تروح المشاعر ناحيتها وتقراها
ذكية ولمآحه وفيها مالذ وطآب = من اول مشاعرها الى آخر مزاياها
يخوفني الموقف قبل لاتفك الباب = اخاف ان وصلي ما درتبه ولا اشقاها
قبل لاتجيني ماحسبت لهواي حساب = ولا كل من جتني تسوي سواياها
آحب التعالي وآكره اللعب بالاعصاب = وآنا آعصابي ادنى شيء يتلف خلاياها
ادور سبب لفراقها وأكبر الاسباب = تحطم شعوري كل ما أجي ولا القاها
غلاها من الله وابتليت بغلاها وشآب = على بآبها المفتوح قلبي ولا جاها ! [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اسلوبك ، اسمك ، حلاك ، وبآقي آوصآفك = مثلي تحبك ومثلي مالها حيله !
حتى دلعك الطبيعي حبك وخآفك = ماوده يضيق صدرك من تفاصيله
من كثر ما اغليك ودي آقدر آعافك =وفي كل ليله اقول فراقنا الليله[/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حبيبتي تسهر وانا لجلها آسهر = لو السهر صعب وعواقبه صعبه !
تحبني واجد وانا احبها آكثر = من حب ( عبدالله ) لدينه ، وشعبه [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من وين مالقيت آحصل سياسه = مليت من كثر الخطب والتصآريح !
ورفيقي اللي كآن راعي ونآسه = ويحب جمعتنا على هبة الريح !
جيته وحصلته مسوي دراسه = كم دوله بتبقى وكم دوله اتطيح ؟[/poem]

فقد الرفيق ..!

في المواهب

[flash=http://www.mergab.com/up/uploads/13009303101.swf]WIDTH=550 HEIGHT=300[/flash]

الف شكر للمصممه المبدعه جداً / ريمانا

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
(اكثر من اول احبك بس مقدر اقول)=يكفيني اني احبك لو احبك بصمت !
عقلي معي ، بس في حبك كرهت العقول =وان كان حبك ندم ماهمني لو ندمت ! [/poem]

اكثر من اول معجب بك وبشعرك بس مدري كيف اقـول


يعلم آلله أني اشتاق ألجديدك شوق الضوامي للماء .


ابتسامتك الي في الصورة الشخصية فاتنه يابومحمد

^
^

الله يطول عمرك يامصممنا المبدع
والله ان وجودك في الركن له طعم ثاني
اما السطر ( السري ) بخلي رقمي عند الكنترول

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
خل نفسك في مكاني لو ليله =وافرح اني قلت خلك في مكاني !
وشوف قلبي كيف طاح وكيف اشيله =وكيف صمتي ماقطع عقدة لساني
وكيف احب وكيف ما ادور بديله = للحبيبه رغم ما اشعربه وآعاني
غايتي لو دونها ما املك وسيله = بس قلبي لالقى الراحه آناني
رآحتي لو راحتي معها قليله = عن سنين الغيد تكفيني ثواني [/poem]