رثاء )

قصيدة رثاء فالفقيد صالح بن ناشي بن مسيفر الشيباني تغمده الله بواسع رحمته


يا الله ياعلام ما فالضماير=يالمطلع بيدك تصاريف الاحوال
تلطف بحال اللي من الهم حاير=لولاك مايملك من الصبر مثقال
جاني نبأ خلا الضماير سعاير=كن الحشى من سطوته يشعل أشعال
مالوم عين ماتكن العباير=ولا لوم قلب للهواجيس مدهال
على رفيق بات تحت الجداير=نبأ وفاته طالني منه ماطال
فقدت أبو ناشي نظيف السراير=صالح سليل أهل الوفاء ذرب الأفعال
علي موته من كبار الخساير=لاشك هذي سنة الله والآجال
ماقدر المولى بلا شك صاير=والعبد لو طالت لياليه رحال
لابد من يوم له الموت زاير=وفالآخره ماتنفعه روس الأموال
حتيش لو يملك رصيد وعماير=من دنيته مايتبعه غير الأعمال
ولا دايم إلا من بيده المصاير=إله الدوام وماخلا الله ينزال
ياالله يامن له نقيم الشعاير=ولطاعته سجودنا خوف وآمال
تنزل من الرحمه عليه البشاير=وجعل له الفردوس مسكن ومنزال
وصبر ذويه وماذخر من ذخاير=ولامات من وخر بعد موته عيال

.
منيف حريبان
.
صح لسانك ورقا شانك
.
ورحم الله المتوفي وتغمده بواسع رحمته
.
لاهنت لاهنت
.

.

الله يرحمه ويسكنه فسيح جناته

قصيده

جزله من جزل

تقبل تحياتي

منيف حريبان

صح لسانك

وغفر الله للفقيد و رحمه

تحياتي لك

عسا قبره روض من رياض الجنه



وانت صح السانك ولاهيب غريبه علاك


يانبيل المشاعر النبيله




تحيتي وإحترامي

اي والله هاذي سنة الله جل وتعالى

القدير منيف بن حريبان

صح لسانك وبيض الله وجهك على وفاء الرجال للرجال

ورحم الله الفقيد واسكنه فسيح جناته مع عباده الابرار

وسلمت ،

..

حسن الدجيما
مشكور لاهنت
وشرفني مرورك