بأجيـ أهرْوِل ـــــكـ

[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ذا الليل ثالث ما لفـى منـك مرسـول=يالله عسى فـي تالـي الأمـر خيـره
اجـاذب الونـات و الصّـدر معلـول=ما عاد بـه للصّبـر عنـدي ذخيـره
وقتٍ علي سيفـه مجـرّد و مسلـول=يرسـل علـي تـال الليالـي سفيـره
ما به لـه مبـرّر و لا عـذر مقبـول=يالله يـا ربّــي علـيـك السّتـيـره
يا حسرتي حسرة ضعيـفٍ و مشلـول=يـا ونّتـي ونّـة طريـح الجبـيـره
حلمي تشتّت بعـد مـا كـان مأمـول=عزمـي تفتّـت و المصيبـه كبـيـره
يا فايقً وصفـه علـى كـلّ مجمـول=مـا ينوجـد مثلـك علـى المستديـره
حبّك تمكّـن فـي المعاليـق مدبـول=و عليك تاخذنـي مـن النّـاس غيـره
ارفق على اللي موقفـه مالـه حلـول=متمشكـلً مـا بيـن هـمّ و حـيـره
لا تقول ذا عادي و لا أنتـه بمسـؤول=خـف ربّـك اللـي عالـمِ بالسّريـره
إن كان ذا نسيان مـا هـوب معقـول=و إن كان ذا هجران برضـه خطيـره
و إن قلت (لا) قدّمت لك شكر موصول=بآجيك أهرول لـو قطعـت الجزيـره [/poem]