فـــاجــعة الجــهــراء

هذي قصيدتين الاولى لآخوكم وليد العمودي والاخرى للشاعر عمر اللهيميد وحبيت انقلها لكم هنا :

الله يرحمكم وهو من خذاكم
بإذن الولي رب البرايا ..شهيدات
وياهل المصاب الله يحسن عزاكم
واللي حصل مكتوب مابه مراوات
حزني عليكم يشهد الله تلاكم
بالقلب هم وضيق ونه وحسرات
الله يصبركم ويدفع بلاكم
واللي توفن عند ربي عزيزات
الله يرزقهن ويسمع نداكم
يستبشرن بنعمة الله كريمات
شافن منازلهن وبكرى.. كلاكم
يجمعكم الله بين عدنٍ وجنات
من فوقهن تاج الوقار.. ودعاكم
ربي على الفردوس الاعلى .. بالاثبات
هذا كلام الحق مما عطاكم
في خيمة الله تحت عرش السماوات
الله بالحسنى يضاعف جزاكم
في وصفكم تعجز بليغ العبارات
الموت حق وكلبونا وراكم
تعدد الاسباب في حال الاموات
الله يحسن خاتمتنا معاكم
ويصلح لنا الاعمال في كل الاوقات

وليد العمودي

السلام عليكم ورحمة الله وبركاته
قصيده على لسان طفله كانت في داخل خيمه العرس المشتعله بالنيران في ليله الجهراء المقهوره هذه الطفله نادت امها ولكن لاحياة لمن تنادي وجاوبت امها على ندا ابنتها في هذه الابيات لاحول ولاقوة الا بالله العلي العظيم
اللهم ارحمهم وعافهم واعفو عنهم واكرم نزلهم ووسع مدخلهم واغسلهم بالماء والثلج والبرد ونقهم من الذنوب والخطايا كما ينقى الثوب الابيض من الدنس
اللهم اشفي البقيه منهم والبسهم ثوب الصحه والعافيه

نداء الطفله

يمه احذفيني .. بين حظنك ابا امـوت
شبت علي النـار ... يمـه احذفينـي
يمه اسعفيني ... شفت انا بعيني الموت
تكفيـن يمـه ... عجلـي واسعفينـي
يمه آصيح وعوًد الصوت بالصـوت
يمه امانـه ... جاوبـي واسمعينـي
يمه شرار النار .. بالظهـر منحـوت
النـار يمـه تشتعـل ... جاوبينـي
الثوب يمه يشتعـل .. فوقـه الكـوت
يمـه تعالـي ... بالحظـن دثرينـي
يمه هشيم النار .. بالوجـه مفتـوت
ودي اشمك .. قبـل موتـي يجينـي
يمه هشيم النـار .. بالنـار منعـوت
ارجوك يمـه .. ساعفـي وانقذينـي
يمه امسكيني ... حبلي اليوم مفلـوت
هذي يديني ... اركظـي وامسكينـي






جواب الأم




يابنيتي .. يامي عيني .. مع القـوت
مقدر اجي يمـك .. وربـي يبينـي
الصوت راح ومانفع ... فايت الفوت
يابنيتـي .. يانـور قلبـي وعينـي
شوفي لسان النار ... ماهو بمخبـوت
مقدر اجي والنار ... بينـك وبينـي
وشلون اجيلك ... والقدر لاتني لـوت
ياليت انا اقدر .. المسك فـي يمينـي
بكرى نتلاقى .. بين لولـو وياقـوت
في جنه الفـردوس ... والياسمينـي
ودعتك الله .. يابذر شجـرة التـوت
مع السلامـه ... ياجواهـر سنينـي
يرحمك من مخرج ... نبيه من الحوت
ربٍ غفـور .. وراحـم المسلمينـي

عمر اللهيميد ___ الجهراء