نظرات غيري .. !

متواضعة اتت الى هنا بإلحاح غالي . !
لعالها ترتقي لـ مستواكم .!

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
تعبت من حالي / وما هكذا حال=تفضحني أخطائي بنظرات غيري
اشوف بوجيه القريبين ( الانذال )=وآداري اشيا / حايسه لي مريري
تلعب بي هجوسي على كل منوال=ولا شفت من زود التباريح خيري
واحيان توصلني سواليف عذّال=تشتت افكاري وتربك مصيري
لكن ما يبقى سوى طيب الافعال=اللي ترصّد لي ثوابٍ وفيري
آعامل الجاهل / باساليب عقّال=واختار من بين الاوآدم شويري
اثر القلق يصرع ثمانين رجال=ويجيب راسك يآدمي / لو تطيري
ما عاد لي من بال / يا واسع البال=" الهمّ " شمّت بي كبير وصغيري
لو نعمة النسيان تشرى بالاموال=ابخسر اموالي وباكسب ضميري[/poem]