خيار النوادر

.
حج السحاب اللي على غير ميعاد
................... وانا احسبنه / طول الايام حادر
كنت ارجي اقنوف المخيله ولا راد
................... سيل ٍ يهيم بصحصح البيد هادر
لو ما دهر قلبي على غيبتك حاد
..................... ما شفتني بالشوق وارد وصادر
ببعث قتيل ٍ مات في يوم ميلاد
................ بالطعنه اللي جت من كفوف غادر
اقول من جرح المحبه ليا زاد
....................... ليت الليالي في فرحها تبادر
حنا وردنا / والتعابير ميراد
................. ولـ/انفاسنا في بحر الاشواق كادر
ابيك تبقالي على روس الاشهاد
........................حلم ٍ تمدد بالشرايين سادر
لو كل فرصه ضايعه منك تنعاد
.................شفتك على تحقيق الاهداف قادر
شف كيف شمسك يمة الغرب تنقاد
.................. لا لوحت لك في كفوف المغادر
اغنم زمآنك /لمني يا ابن الاجواد
...................الضيق بلوى / والفرح له مصادر
ما احدٍ يعيش العمر كله بلا زاد
................. وانت الحيا / يوم الحيا له بوادر
ما هو غريب ان جيت للعد / وراد
................وانا ادري انك / من خيار النوادر