مساجله شعريه جديده بيني وبين ابوي

[poet font="Simplified Arabic,4,crimson,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته جميع 000 وبعد
لكم هذا المساجله الشعريه بيني وبين والدي العزيز عسى ان تحوز على رضاكم

يقول والدي العزيز في ابياته

كل مادقن هجوسي وازعلني = رحت فوق الجيب قطاع الرمالي
كن صوته بالثلاثه يوم حني = صوت ذيبٍ لاعوى في راس عالي
كود قلبي من همومه يرجهني = من هواجيسٍ تجيني بحتمالي
الفجوج الخاليات يونسني = والمساري غايتي مع كيف بالي
ديرة فيها الجوازي يرتعني =عندي احسن من قعادي بالضلالي
ونومتي طل النجوم يبللني = ولاسرير فوق زينات الزوالي
لو فراشي بالخلا من فوق جني = ولاهواجيسٍ على قلبي جزالي

وسلامتكم
وساجلته بالقصيده التاليه :

ليلي البارح هجوسه يرهقني = والله ان النوم عيا ماطرالي
قمت اذاود عبرةٍ عيت تكني = والمثايل وسط جوفي بجتوالي
ساع فكيت المثايل يوم جني = مثل ذودٍ وردن الماء بعتجالي
يوم وردن عدهن عقب ارتوني = قمت اوسهم زينهن ملكي لحالي
يايبه ضيقات صدرك يوجعني = يكتمن انفاس صدري في حبالي
اعمستك هجوس قلبك وعمسني = من زعلك ازعل علىحد احتمالي
ليت والله لو همومك يبتلني = وانت تبقى من هموم الوقت خالي
لاضحكن حجان عينك نومسني = حيث ضحكت ناظرك هي راس مالي
ولايطرب مسمعي صوت المغني = صوتك اللي لاسمعته زان فالي
واهني نجومك اللي يطلعني = نور وجهك زادهن النور عالي
والفيافي يوم جيت يربعني = فوق اثر رجلك يزينن المفالي
دام في جسمي عروقٍ ينبظني = حالفلك بالوفى ياعز غالي

وسلامتكم والقصيدتين المكتوبه اعلاه قديمه مره ايام الثانويه
يعني اسمحولنا على القصور وانا جبتها للمنتدى مثل ماكانت ماغيرت فيها شي

[/poet]