مساجله مع الشاعر القدير هادي ال جلبان

هذه قصيدة الشاعر هادي
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياالربع من حصّل بعيد المداهيل = اليوم هذا صار له عشرة ايام
لاجا اتصال ولا وصلني مراسيل = ماغير انشِّد عنه وادق الارقام
ومن عقب مامنِّه تعب مني الحيل = سألت ملفي واتصلت أسأل حزام
ولا احدٍ ذكر لي عنه كل التفاصيل = لاوالله العوام في المعمعه عام
غاب ونسى ربعه وذيك التعاليل = وراح لمصر والشام يسج الاقدام
وفي سابق الامثال قالـوا كمـا قيـل = في ماضي الاوقات من ذيـك الاعـوام
من شرب من(ما) النيل يرجع على النيل = ومن زار جو الشام يرجع على الشام
وذيك الدير للي يجيها تهاويل = فيها مساتير ومغاتير وزحام
الله يفكّه من رموشٍ مظاليل = حربة سهمها تعدم العاشق اعدام
حبيت اداعب مسمعه بالتماثيل = لانه حشيم ومن مطاليق وحشام
ولا ودّي يزوّد غيابه بتطويل = وحشة غيابه عندي ان يومها عام
الله يردّه بالليال المقابيل = سالم وغانم بالمعزّه والإكرام

هــــادي آل جلبان


يامرحبا ما فرحو البدو بالسيل=وماطار طير وفي وسيع الفضى حام
وما غرّد القمري على الغصن بالليل=ومن حج بيت الله وصلى ومن صام
بااللي وصلّني من حفيد الرياجيل=الشاعر اللي ملهمه ربي الهام
وافي وشعره ما يجي فيه تمثيل=يشبه لرسم الريشه بكف رسّام
يفداه ملقوفٍ قليل المحاصيل=اللي علومه كلها اوهام فاوهام
وانا غيابي مع ارجالٍ مشاكيل=لاقلت نمشي قالو الدرب قدام
في جولةٍ تشفي القلوب المغاليل=سجة نفس بعد الدوامات والزام
وفي حفلة محمد سمعنا المواويل=وغيره حضرّنا حفلة اريام واحلام
وسلمت ياهادي من الشر والميل=عسى حياتك كلها افراح وانعام
قبلي عرفّت النيل ياوافي الكيل=والشام مع بغداد في عصر صدام
ومن زار نهر النيل يشتاق بالحيل=ومن حب جو الشام ماهوب ينلام
هذا جوابي يابن من يذبح الحيل=ياشوق غروٍ يردع الخد بوشام

(بشير العوام)
[/poet]