أغلى قصيده

[align=center]السلام عليكم ورحمة الله وبركاته




للتواصل المواهبي [/align]





[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا برد الليل ما ترحم عيوني=همومي والسهر منك كلوني
ليا جيت اطردك قمت آتردد=ورحت آجرّ فيك آخر لحوني
عشانك مخلصٍ وياي .. جعلك=بعد ناسٍ تذكرت .. ونسوني
يا وقتي لا تروح ولا تعوّد=تريّح في نظر ضحكة سنوني
اموت بعزّ وامجاد وكرامه=ولا . اعيش بلياليك امغبوني
ليا شان الزمن .! ما شان طبعي=وربعي لا بغو منّي .. لقوني
عسى ربّي يجمّلني معاهم=على تفكيري وشكلي ولوني
سمحت امن الشقا والهم لكن=درعت بسيرة الغض الفتوني
على جال المواعد والمحبّه=مع المحبوب .! ما خابت ظنوني
يجيني كل ما ارقد .. في منامي=ولامن قمت .؟ لحّفته جفوني
عطيته هجسي وبدعي وقافي=وعطاني شيّ .. غيره ما عطوني
الى من قلت ابي قربك وشوفك .!=ما حط العذر من دونه ودوني
احبه والمحبّه من ضميري=عيونه عقب شوفه .. كبلوني
ليا من جا .. يجسّ النبض فيني=على فرقاه .. ويقلّب شجوني
يغنّي لي ( توادعنا ) وأغنّي=(عسى ربّي يخليك لعيوني)
تغيب هموم صدري في دقيقه=ليا من دق .. ينشدني شلوني
من عيون العرب .! فأغلى قصيده=تكفيني عيونه لا قروني
لو انّه جاني امن اسهل طريقه=لكنّه حمل .. شالنّه متوني
عسى ربّي يطولّي .. بعمره=وعمر اللّي لوصله .. وصّلوني[/poem]




[align=center]وتمّت[/align]