ماني قدها !

[align=center]السلام عليكم ورحمة الله

مبطي عن الشعبي

بويتات كيبورديه تقبلوها 000[/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صاحبي والوقت داير والزمن فينا يـدور = لاتتعب النفس الشقيه والهـوى قـد حدهـا
ياما وياما صغت لك حرفي وبكيت السطـور = إلين روحي يا هوى روحي تبايـح سدهـا
اسألك باللي حط قدرك في خفوقي لاتجـور = أبواب حزني ياالغـلا منّـك تعبـت آسدهـا
إن كان مالي بالغلا موطن تكلّـم لاتشـور = وأبشر بعزّك لو جبال الحـب جيـت تهدهـا
لو شفت صدري كيف من فعلك براكينه تثور = والله لتلعن ساعة الفرقا وتلعن جدّها
ولو شفت قلبي كيف من غله بدى دمه يفور = تحسب جروحك وسط صدري والطعون تعدها
ياليت مالك بالغلا منـزل ولا أيـة حضـور = ماكان هلّيت المدامـع يـوم مانـي قدهـا
الله يبيحك ! كان لك بالقلب كرتٍ للعبـور ! = والله يسمّح درب روحك يوم عنـي تلدهـا[/poem]