!!! اللي فعوله بس عند وخيته؟؟؟؟!!!

السلام عليكم ورحمة الله وبركاته

الــــــــهــــــــــــاجــــــــــــــــــس

[poem=font="Simplified Arabic,7,blue,bold,italic" bkcolor="burlywood" bkimage="" border="double,2,sienna" type=0 line=1 align=center use=ex num="0,black"]
يا مرحبا بالهاجس اللي جيته=تبري جروحاً بالضمير اخفيتها
عرفت مقصوده وعارف نيته=وكثرة مطاليبه وانا لبيتها
قال القصيد وقلت اخذ حريته=ماتنطفي ناره إليا شبيتها
اركب المعنى على قافيته=ويطيب خاطرها ليا سريتها
واشوم عن كل البيوت الميته=واللي عليها وسم ماضميتها
عنها النظر فوق الجبال نحيته=وروس الجبال النايفه عديتها
وليا لقيت الصيد في محميته=ماتخطي البندق ليا مديتها
ما يفلس الرماي من مرميته=بأمر الولي من حيث ماحطيتها
والشعر جرحه ماله إلا كيته=عسى الجروح تطيب لاداويتها
وحقه علي اصب له بريته=اللي على جمر الغضى سويتها
ترتاح من فنجالها نفسيته=وعنه الضرم ينزاح لا صبيتها
والله ولا اطلب من بشر عانيته=ولاني من اللي ينتظر تصويتها
الفكر راعي ماتضيع رعيته=ويموت بالجزله وانا حبيتها
وصيت فكري واحتفظ بوصيته=وليا بناها الفكر ما هديتها
لقيت كل الزين في منقيته=وضحاً يقول اني عليك اهديتها
عطيته ما منها عطيته=يقول انا لاعطيت ما منيتها
وانا ذكرت من الكثير شويته=واللي عليها نقص ماضويتها
واطى على داب الطريق وحيته=للمجد سقت الرجل مارديتها
وقدر الرجال الطيبين مبيته=اهل الفعول اموت ماسبيتها
والشعر سيفه غير عن شبريته=ويفخر بشعاراً ينومس صيتها
واللي فعوله بس عند اوخويته=ياليتها سلمت منه ياليتها[/poem]وسلامة الجميع