ياليتني مالحقتك

السلام عليكم

مساكم الله بالخير جميعا

جديده لعلها تجوز لكم




[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياليتني مالحقتك يااريش العيني=على الاقل كان ماشفت الذي شفته
قد لي وانا اتبعك يالشاهين يوميني=وياكم رجمن على طاريك شرفته
الاحي الورق والورقا تلاحيني=ومن نشدني علام القلب صرفته
وشلون مااصرفه وانتي بليتيني=شفت فيك شي ن في غيرك مابعد شفته
غير الحيا حال باسه بينك وبيني=عجزت اخايلك الا وانتي ملتفته
ولامني ابطيت اخايل ثم شبحتيني=ظيعت حكي ن وانا اخايلك صففته
صقار واقدر فروخ الشواهيني=وقلبي تقطع على بابك ولارفته
قلت الحقك يوم ربي راد يوريني=رفيقك اللي تلقفك وتلقفته
وقفت وانا اتأملكم مقفيني=في موقف ن ماحصل فالعمر وقفته
الله يهنيك وانا الله لايشقيني=ويابخت شخص ن ظرب حظه او والفته
والله يسامحك لو مالك دخل فيني=موقف حصل شفته البارح او وصفته
عقبه مااظن فيه اي داعي تعرفيني=غير اعرفي ان الهوى من البارحه عفته[/poem]



وسلامتكم