جـتـنـي دهـــم !!!

[align=center]مساء / صباح الخير


وكل عام وأنتم بخير ,,,


متواضعه أمررها لقلوبكم الطاهره ...


[poem=font="Arabic Transparent,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

لا ولٌعت بيني وبين الحـظ .. مانـي محتـزم=حسبي على الدنيا بلاويهـا بعـرض أيامهـا
المعرفه والحرص لو تحميك من شـر النـدم=ما شفت لك ناسِ على الفايت تعض أبهامهـا
والخير ندريبه يخص .. والشر أحيانـاَ يعـم=ولا هي بنفسي لا رضت ترضى تحن أخصامها
يا ذا السفيه اللي نطـق بالله لحظـه وانكتـم=مال المطيه لا أرثعت يا كـود لـزم خطامهـا
السن يضحك لي ووسط العين يضحك لي سهم=ناسِ تشوف انفوسها لا ابـو عزيـز هامهـا
المنطق أحلى من العسل والقلب منطوقه يسـم=أهل النوايـا الخافيـه ودك تحكـم اعدامهـا
وين النوايا الصافيه ويـن الفـؤاد المحتـرم=لا تطلب نفوسِ على درب الـردى مـا دامهـا
أشوم عن هرج ِ يجي لا ذوق فيـه ولا طعـم=كله حيـا وأمـور تعنينـي لزمـت أزمامهـا
اطلقتها مثـل البـرد والعاقبـه جتنـي دهـم=ويا ليتها ما عودَت والشـر وسـط أكمامهـا
بلعتهـا ثـم حـدرتً لكـن عيـت تنهضـم=اللقمه اللـي ذقتهـا والسـم وسـط أيدامهـا
والعبره اللي غصت بحلقـي ولا أجـر النسـم=أكنها لـو السمـاء شحـت علـيً أنسامهـا
ما هوب أنا اللي لا زعل ترضونه بحبة خشـم=ما ني براعيهـا ولا نفسـي تحـب أرغامهـا
عيب على ذرب الفعايل باللقـاء لـو ينهـزم=يصدها والنفس يا اهل العرف حـق أكرامهـا
اللي لنا يبقى لنـا واللـي لكـم يبقـى لكـم=وزنه وفـت مكيالهـا لا تنقصـون جرامهـا
وحنا عرب نفهم عرب .. يوم العجم تفهم عجم=وكم سلعة مرت على مجنونهـا مـا سامهـا
وبعض العرب ما ينفعك لو يسرح بقطعة بهـم=يا حيلـة الله كـم وجيـه يغشهـا هندامهـا
المشكله ماهي بطرس نجـر فوقـه كـم قلـم=لو هي على الطرس امتلا ما عاد تكفى أقلامها
المشكله وشلون تبغى الراي من نـاسِ غشـم=الفتوى اللي تبتغـى تعـرض علـى علامهـا
ماني مـدرًج ظلًـعَ قدامهـا جـرف وحـزم=ولا معـدًل طبـع البشـر ولا طبيـب ألامهـا
ولا محرجٍ نفسي بأمورِ مـن سببهـا ننثلـم=الله يستـر لا تجيـب الكـارثـه بأحلامـهـا
وأكبر قهر وأكبـر غبينـه والمضـره والألـم=لا صرت تبغى شي والدنيـا وطتـك أحيامهـا
الطيبه الطيبه .. تطلـع بـك بـروس القمـم=أكسب من الدنيـا طناختهـا وخـل رمامهـا
لا يا زمن ماهي طريقه ترفـع خشـوم النقـم=واللي يصارع دنيتـه كـم ليلـةِ مـا نامهـا
خاب الرجا يا ذا الزمن عفناك ما هذا العشـم=خليـت شايبهـا يهـون ولا يهـون غلامهـا
هذا الزمن هذا الزمن .. لكن رفرف يا علم =ناسٍ يقف معها وكم نـاسٍ يحـش أقدامهـا
دنياً تراها مـا تـدوم وشالـت أقـوام وأمـم=لو شفت لذتهـا وغـرت خاطـرك بأنعامهـا
وان جيت للحق وبغيت الصدق والعلم المهـم=دنيا الفنا عبـره ودورت وقـت كـل أيامهـا
والحمد لله والشكر قالـو يزيـد مـن النعـم=حمد الثنا حمد الرضى وعينـي ومـا قدامهـا
وأنا أحمد المولى على فضله وخلقي من عـدم=اللي رزق روحـي تقـاة وعزهـا بأسلامهـا
وسلامة اللي يسمعوني عد مـا رفـرف علـم=ترجمت ما لج بضميـري والسـلام ختامهـا[/poem]



وسلامتكم ...[/align]