ملتقــى يــــام .. !!

السلام عليكم و رحمة الله و بركاته

أسعد الله أوقاتكم بكل خير .. هذه قصيده ألقيتها في ( ملتقى يام ) .. و أتمنى أن تحوز على الإعجاب



:
:


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]


ليا هاض فكري فالطواريق ميعادي = أشيل البيوت اللي على الساحه جدادي
أروض بنات الفكر .. فكره ورى فكره = و تأتي على مشهاي و تحقق مرادي
مهار القصيد اللي لها فـ السبق مركز = ليا ورد للميدان خمسين و رادي
أنا شاعر و الشعر ما أضيع طروقه = ليا ضيع طروقه غشيم و قصادي
أصون الكلام اللي لساني نطق حرفه = و أداري على معناي من كل نقادي
سلامي على أهل الملتقى اللي شهر ذكره = سلام لعكفان الأشانيب ينقادي
عدد من يقول ( الله و أكبر ) على المله = و عدد ما يلوح البرق .. و يحن رعادي
على اللابة اللي تكسب المجد في حله = ليا رز للأمجاد .. ساعة و ميعادي
هل المدح في الماضي .. و عنوانه الحاضر = مقابيسه اللي مثل نور القمر بادي
بني عمي اللي ذكرهم ما يخجلني = يسيّدني .. و يفرق بي .. فـ جمع الأسيادي
زحازيح يام محلّلة كل معقوده = سلاطين سلم .. و فـ اللقا رمز الأمجادي
أهل سابق ما تلجم فـ ساعة الشدّه =و أهل خنجر تخضب من نحور الأضدادي
و أهل طعنة فـ الحف .. تدمي وقايعها = و أهل كرّة تربك موازين الأندادي
مكمّمة الأفواه المريبة .. بريبتها = و في يوم بيع الروح ما هم بزهادي
و أهل مجلس .. تبرى فناجيلة دلاله = و نجر يرحب بالمسايير و ينادي
هلا مرحبا و اقلط على الكيف .. و الدلة = و دثر الشحم فوق الصواني بالأعدادي
و عود يساق .. و غالي بالثمن سوقه = عبق ريحه يخالط .. مراويح الأنوادي
بزين الجناب .. و ضحكة حجاج .. وليونة =و هرج عليه من الأدب .. شرع و إسنادي
و أنا من رجال ( وعيل ) ( عبداني ) المنسب = هل الطايلة من عهد الآبا و الأجدادي
و ( غيدان ) أبي .. و اسمي على اسمه و تاريخه = زحول .. يهون بعزمها .. كل ما كادي
و حنا بهذا الوقت .. في خير و نعمه = عسى الله يكافينا .. حسد كل حسادي
نبي من رجال العلم .. من يبني صروحه = و نخرج لنا جيل على العلم .. روادي
نساهم برفع المجتمع .. و نخدم جمعه = و لا هي تجي .. يا كون من صبر و إجهادي
تحت ظل حكام الجزيره هل النولة = ذرانا و رفعة روسنا .. جمع و أفرادي
ولانا .. لهم من ماضي الوقت للساعه = و حنا لهم .. فيما بغوا عز و سنادي
و أنا شاعر كويتي .. ولائي لأخو مريم = و إلا من دعاني جيت بالروح .. متحادي
أوقف هنا من دون أرضي .. و حاكمها = بفكري نهار السلم .. و الحرب بعتادي
و تمت و صلى الله على الهادي محمد = عدد ما يلوح البرق .. و يحن رعادي [/poem]



و سلامتكم