قصيدة (( بوش)) الشهيرة للمبدع خضير البراق

اخواني واخواتي اعضاء وزوار منتدى المرقاب الشامخ: هذه هي القصيدة الشهيرة للشاعر المبدع خضير البراق وقد القاها شاعرنا في امسيته الاخيرة في الدمام بتاريخ 9/7/2002 م وتفاعل معها الجميع لملامستها احاسيسهم....ولم يتم نشر القصيدة في اي مطبوعة..فقط المرقاب هو المتفرد بنشرها....


[poet font="Simplified Arabic,4,black,bold,normal" bkcolor="transparent" bkimage="backgrounds/6.gif" border="double,4,gray" type=2 line=200% align=center use=ex length=0 char="" num="0,black" filter=""]
ابكوا مثل ماتبكي الناس يابوش=وصيروا ضحايا مثل كل الضحايا
ذوقواجزاكم واخذوا العلم مغشوش=وصيحوا ونيحوا.. ياخباث النوايا
ماهوب دايم درب الافراح مفروش=ولاهوب دايم تخدعون البرايا
ماكل حر (تحتوونه) بطربوش=ولو تغرقونه بالحلل والهدايا
اشغلتوا العالم مناديب وطروش=وشبيتوا الفتنه بكل النحايا
في كل دوامه لكم عرف منفوش=وصرتوا طرف ثابت بكل القضايا
وغزيتوا الدنيا بشاشات ودشوش=وغالطتوا الواقع بكثر الدعايا
انتم هل الارهاب تاريخ وجيوش=وانتم هل التدمير واهل الخطايا
تدهورت منكم حضارات وعروش=وتلعنكم اهل المدن واهل القرايا!!!
والراية اللي كلها نجوم ونقوش=في لونها الغامق تحل الزرايا
صبتم هدفكم زين يابوش بن (بوش)=واليوم صابتكم سهوم المنايا
ذوقوا جزاكم واخذوا العلم مغشوش=وصيحوا ونيحو.. ياخباث النوايا
[/poet]