خطة سلام

برغم من نشر هذا البوح المجروح اكثر من مرة الا انني اجد ه يتجدد مع كل عدوان للعدو الغاشم





العيد فرحة فقير ودمعة فـي عيـون الأيتـام
يذكربه العايـش المحـروم مفهـوم الابـوه

العيد يغسل قلوب النـاس ويشـرع للأحـلام
صفحة من الحب بيضـا للتسامـح والاخـوه

العيد يوم الجوايز حق من صلى ومـن صـام
نفحة عبيره مـن الإيمـان والتكريـم جـوه

العيد يا سادة التاريـخ يـا أمـات الإسـلام
قـوة ومـا راح بالقـوة تعيدونـه بـقـوه

العيد وش لون صار العيد عام من ورى عـام
في عين طفل الحجارة في حضن مسرى النبوه

طفل يعيش ابتسامات الفرح في كـل الأيـام
وطفل دموعه تنادي تنتخـي بأهـل المـروة

يعيش مر اليتم والجوع من عبـاد الأصنـام
تحت المدافع وهدم الـذات وأربـاب الفتـوه

الأرض تنبت حجر لجله وتحت أقدامه ألغـام
والجو يمطر سحاب من القنابـل حـاز نـوه

هناك شايب كفيف ورأس ماله جلد وعظـام
واللي بقى من بقايا وجهـه الطاهـر مشـوه

يبكي عياله ويبكـي حالتـه سابـق وقـدام
ما يملك إلا عصا دربه بعد مـا مـات ضـوه

هناك ذل وهوان وعـار واستبـداد وأجـرام
هناك مجد بذيك الارض حـول مـن علـوه

خطة سلام وطريق وخارطة واكذاب وأوهـام
وش لون والغدر فيهم من زمن ماهـو بتـوه

يا امة أخرجت للناس خيـر امـة بالإسـلام
العيـد قـوة وشـي راح نـرتـده بـقـوة


.