((( فيصـــل الرياحي )))

[frame="2 80"][align=center]؛؛ بسم الله الرحمن الرحيم ..
وصلى الله وسلم على سيّد البشر ..

ـ اسعد الله مساءكم بكل خير ,,
ــ عن عمر رضي الله عنه قال : قال رسول الله صلى الله عليه وسلم (( أيما مسلم , شهد له أربعه بخير , أدخله الله الجنه , فقلنا : وثلاثه , قال : { وثلاثه } , فقلنا : واثنان , قال :{ واثنان } . ثم لم نسأله عن الواحد ..
ـ رواه البخاري في صحيحه ..

ومناسبة هذا الحديث ..
الأثر الكبير الذي جميعكم شاهده . على محبين فيصل الرياحي .والذين ظهر عليهم
الحزن الكبيررر والتأثر البالغ ..
والذي ولله الحمد كلٌ يدعي له سواءٌ يعرفه ام لأ ..
واكثر من اربعة الآف شخص يشيّعون جنازته رحمه الله ..

ولم أجد لي العذر امام ماشاهدته من حزن وآسى على محبين فيصل الرياحي
حتى ارتجلت هذه الأبيات .. التي جاءت كما هي ..
اتمنى ان تحوز على بصيص من الرضا والقبول ..
ورحم الله ابو بدر واسكنه فسيح جناته ..
أنه على ذلك قدير ...


آقول :




[poem=font="Arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله (م) آعرف الفيصلي ريف الاصحاب = ولا عمر يمناي امتلت من يمينه
ولا جابته باالصدفه ادروب وابواب = ولا عمر عيني صادت بيوم عينه
لكنّ آشوفه بين (صحرآ) و (مرقاب) = وفي (ساحة ن) ب ابريز اهلها ثمينه
وصفحة (مجلّه) وآجزل ابيات (بكتاب) = لانه رجل مثل الجبل شايفينه
في مآقف مشرّف ومخلوف الآتعاب = بذّال زين وماتُرى منه شينه
آلطف من الهملول وآخطر من الداب = وآسطى من الصارم , وجذّاب طينه
وآعبر من العبرود وآقطع من الناب = وآرق من نود الوسم دوم ليِنِه
وآصدق من التعبير لا ساقه اعجاب = وآنبل من النُبل , وسِمَه فيه دينه
وآوفى من المآمون في حق طلاّب = وتواضع اللي خوف ربي خدينه
وعيلَم كرم تشهد له اقراب واجناب = وهامة ادب من راسه لراحتينه
ماقيل عنه وماعُرِف عند الآصحاب = حتى عدآه المنصفه خابرينه
واليوم اشوفه فوق محنيّ الآرقاب = فوق النعش ولقَبره مسلّمينه
وكل ن تشوف بعينه الكسر منصاب = وبين الصبر . والفاجعه . والغبينه
والدمع فوق اخدود الاشناب سكّاب = والحزن خيّم بين فقَد . وسكينه
في مشهد محتّم ولا عنه مجناب = الكل وارد لو تعاقب سنينه
في مشهد ن مؤلم وللدمع غصّاب = وللعزم آهد من الرماح السنينه
فوالله لو قلبك حجر ضلع (عجّاب) = ليروح قلب يتيّم ن من ونينه
لكن قضاء وكل شي ن له اسباب = والعبد تحت الرب وش في يدينه
صحيح فيصل غاب لكنْ ماغاب = بقلوبنا آثبت من صحاصيح (لينه)
والبيت مرفوع العمَد ثَبْتْ الاطناب = بصقور . طيب الفيصلي وارثينه
ويامجمل الشعّار يااصحاب الالباب = الريح ماتخلف مسار السفينه
ويارب ياناصر نبيّك (باالاحزاب) = والعبد في حرفين بآمرك تعينه
ادعيك من قلب ن مقصّر ولك تاب = ترحم فقيد ن كلنا خاسرينه
عساه باالفردوس , مقطوفه آعناب = وفي صحبة اللي للهدى مقتدينه
فيصل : رحيله جرح يدمي ولا طاب = ترك فراغ ن من يغطيه وينه ؟؟
ولو حزننا ذوّب معاليق . وآعصاب = مثل آسرته : ماكلنا فاقدينه [/poem]




وسلامة الجميع ...[/align][/frame]