تكفى ياصقر العروبه نصرة الديني

منتديات المرقاب الادبيه واعضاءه من الجنسين الكرام/االكريمات
السلام عليكم ورحمة الله وبركاته ........وبعد
هذه قصيده اخر ماكتبت والعذر قبلها وبعدها حيث ان القدس والشعب الفلسطيني يمر بويلات وجرائم تدمي القلوب.


[poem=font="Simplified Arabic,5,#002CFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياشعب غزه ويالشعب الفلسطيني=ياللي لك امال بعد الله تعووولها

على العرب والعرب راحو قطاعيني=بين القمم والعلوم اللي تداووولها

في كل يومين قمه يالله اتعيني=لكن بلافايده مهنه نزاووولها

نُُدعى ويحضر بعضنا والبعض ويني= غايب يصرح على شاشه مقاووولها

والبعض لن غاب وان جا للشر معيني= معول هدم للعرب واكبر معاووولها

والبعض يبكي على الكرسي من الحيني=ماهمه الناس لو يكثر تسووولها

والبعض عن غزه اصبح يلفت العيني=مشغول بالكوره وتضييع فاووولها

والبعض لامن نخيته قال بعديني=مايدري انه مجدوَل ظمن جدووولها

اليا سلم من بوارج له مرسيني=ماهو بسالم مدافعها وشيووولها

ان كان جرح العرب ماله مداويني=ماينفع اشعوبنا كثرة تفاووولها

نشجب ونستنكر اللي صار وانديني=وندعي ونص القلوب البغض حروولها

مليار مسلم وفوقه كم ملاييني=نخاف من كندرايسها وباووولها

لو اتحدنا على الزين وعلى الشيني= نقدر نزحّف سراييل ونهروولها

وانرد الاقصى من ايدين الصهاييني=القبله الثالثه فالارض واووولها

ماراح بالغصب ماهو راجع بليني=نقصّر السالفه والا نطووولها

هذي حقيقه مهي ظنٍ وتخميني=حقيقةٍ واضحه محدٍ يأووولها

اصدح بها لاجل اذكر ناس ناسيني=واقول ماصار في غزه يزوَوولها

جرايم تفطّر كبود البعاريني=ناسٍ تقتّل وناس القتل هووولها

ومعابرٍ دمرت وحلا بساتيني=واقصور واجسور لاتربه تحووولها

بسلاح ممنوع في كل المياديني=قنابلٍ حارقه قامت تحووولها

تَحت مظله من امريكه وتمكيني=اللي تندد وهي دايم تمووولها

يهود متكاتفين اقلوب وايديني= والمركبه بامرهم يمشي دريووولها

لكن لابد ماتسفطهم ايميني=تصلب اتروسها والا فريووولها

تكفى ياصقر العروبه نصرة الديني=انته زعيم العرب وانته مخَوَوولها

زعيمنا خادم ابيوت الحرميني=كعام الاعداء ليا بيَّن تطاووولها

ننخاك تفتك دوله بين ناريني= نار العدا والحصار اللي مغوَوولها

قدها وحنا لاوامركم مطيعني=بالمال والحال واحلول انتناوولها

اما شهاده وفردوس النبييني=والا انتصرنا على اوباما وباووولها

[/poem]