قصيدهـ لشـاعر الكبيـر / معوض بن سودان الشاطري

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الحاجر اللي دارجه من تراديد=جديد نبته ماوطوه الشواوي
ناقع ثراه وللجوازي مسانيد=مدهال حر وماكرٍ للنداوي
تضحك زهوره ضحكت الناس للعيد=براد ليله والنهار إمتساوي
للمسك والريحان نبته شواهيد=ريحة شذا عطر النبات العذاوي
فيه القطا على الخباري ملابيد=تال النهار ومقبل الليل ضاوي
لجّةّ عصافيره طرب للأواليد=يطرب لها قلب العشيق الهواوي
قفرٍ خلا ماطبّه الا اشرد الصيد=اما من العربان دايم خلاوي
هذا منى قلبي وانا كل ما آريد=اجيه في مقناص ماني جلاوي
وخوياي نقوه كلبوهم صناديد=سور الزمان مجربين الدعاوي
معهم ومعي معوهات البواريد=عجلٍ ندبهن من يدين الشفاوي
إليا جفل محدٍ يبا اضنه يعيد=وان دوروهن عارفين الحراوي
وان سولفوا جابوا سواليف ابو زيد=والا عن تراحيب والا العطاوي
لعلها تبرى خفاياي اللواهيد=من واحدٍ كثرت عليه اللهاوي
من كل جانب يرفي الهم ويزيد=والصبر غلّق مابقى الا شلاوي [/poem]