فراقنا بات مقسوم !!

[align=right]
من القديم

والذي يتجدد مع قلوبكم !!
[/align]







[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]

لا واهني اللي في هالعـرس معـزوم=وتلمح عيونـه درة ٍ .. مـا وراهـا
نجمة حنان وكـن ماحولهـا نجـوم=ربي عطاهم .. بـس / زينـه عطاهـا
إليا حضرت تاخذ بـصيت أكبر القوم=وإليا مشت .. كل ٍ ترقـب خطاهـا
وإليا لفحت .. ( حوى ) أبد مالها لزوم=كـل العـذارى إتعلقـن فـي ذراهـا
أجمل " غنادير الشفق " دونهـا تحـوم=تفتن وتضوي بـرق نـور ٍ سناهـا
الله يكفي شـر مـن كـان محـروم=من رمشها من طولها من حلاهـا
كل ماإبعدت تاخذني آهـات و همـوم=وإليا إقربت مني .. شعـرت بدفاهـا
أطلب من الله تنتهي صحـوة النـوم=بين الأمانـي وبيـن حلـم ٍ دعاهـا
إلا القصيد اللي لعـن يومـي اليـوم=سيّر علـي وليلتـي .. مـا سراهـا
إخترت اهلهـا كـان لعيالـي قـروم=مير الجواب أصعّب علي و .. علاهـا
وأدري النصيب بكل الأحيان مضيـوم=وعيني لهالليلـة ولا .. جـف ماهـا
نار ٍ تشب بداخلي ضييـق و سمـوم=وجرح ٍ يقطـّع خافـق اللـي رواهـا
ماعاد تفرق هايم أو صرت مهيـوم=في الحالتين الدمع جانـي و جاهـا
لاشك أمر فراقنا .. بات .. مقسـوم=هـذا قـدر نفسـي وهـذا .. بلاهـا
قد قالهـا قبلـي عليـل ٍ ومصـدوم=" كل ٍ يموت وحاجته .. مـا قضاهـا "
الجرح دامي لـو سترنـاه بهـدوم=و الله يرحـم شاعـر ٍ قـد هواهـا [/poem]








[align=center]


وسلامة قلوبكم


[/align]