((*( على غفله )*))

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من باب لا (للضيق) لا (للجرح) لا (للإنتهاز) = قم ياقصيدي واجني المزروع في صدري سنه
يافارس ٍلك قلب ذيب وسم داب وعين باز = سِن الحروف الابجديه في ظلامي واطعنه
قم واقبس النيران من قدح الحقيقه فالمجاز = وان كان باقي حَب في روس المعاليق اطحنه
ياالشعر للشاعر شعور وللرياجيل اعتزاز = ياتقطع السير المسوّي مشكله يا تدهنه
الاوله سيفٍ صقيل يقص راس الإنحياز = والثانيه كفٍ تقدم للمساكين حسنه
لانجد نجد ولا الحجاز اللي عرفناها حجاز = والواقع اثره مختلف عنا ولا ندري عنه
ياكبرها كبراه لا جاتك من الناس العزاز = طعنه على غفله على شيٍ كذا تستهونه
ياليتها كانت من العدوان واهل الخاز باز = في ذمتي ما تثّر بقلبي ولا اتشكّى منه
ماهو بذنبي يوم اجي شاعر ومبدع بامتياز = ولا هو بذنبي يوم احلّق فوق واتنفس هنه
والحقد ماعمّر بلد والكذب ماسد اعتياز = والناس تشهد للنفوس الكافره والمومنه
نويت اغادر واتجنّب ترّهات الافتزاز = واشيل جرحي فوق متني لاي ديره ممكنه
لكنّ خوفي يفرح المهزوم ويقولون فاز = وانا معي سيفٍ سليط يقص روس الالسنه
قررت اعوّد للوطن لو الوطن فيه اهتزاز = لن المواطن مايعيش بخير غير بموطنه
لي فيه ناس قلوبهم ارق من طبع القزاز = وعقولهم تشبه حقول النفط تحت الامكنه
اصحاب واحباب وقرايب داخلين بلا جواز = في ديرةٍ ماتقبل امن الاحسنين الا احسنه
يامرحبا بي والبقى لي من جهاز اليا جهاز = راعي محل ولا تغيّرني ظروف الازمنه[/poem]