وش حصيل الي من الطيب ماعنده حصيل

[align=center]بسم الله الرحممن الرحيم
بعد انقطاعي اعود لكم بهذه القصيدة والتي ارجو ان تنال على رضاكم
وارجو المعذرة من الجميع [/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ابتدي بأسم الذي سن صبحٍ عقب ليل=واعرف ان الشمس بأمره تعود غايبه.
انخضع واطلبه رحمته مسكين ذليل=واستعينه والتجي له ونفسي تايبه.
ياعظيم المد حسناك لاشح البخيل=ماخفتك اسرار كونك وغابك غايبه.
مايوقف تحت قدرتك شي مستحيل=يابصير مابعد شاب علمه شايبه.
ارحم الي شاف فالوقت يالرحمن ميل=كل ماجريت عدله تعود عايبه.
الهموم الي وطتني ولاباليد حيل=والمحاني داخل الصدر صارت ذايبه.
ماغديت ابغا الدليله وانا رجل دليل=واخذ اشوار النشاما لياجت صايبه.
عادة ماننقض العهد ونرد الجميل=وان نوينا مانوينا نواين خايبه.
ناخذ الجزله من الجزل ونمد الجزيل=ولاطردنا من خلقنا بخلف السايبه.
شمت عن ناس محاصيلها قال وقيل =عفت مجلسهم ونفسي طموح طايبه.
الحق الشرهه على القرم والحر الأصيل=والردي لاوصل الهرج بكرة جايبه.
وش حصيل الي من الطيب ما عنده حصيل=ماتخضع في رضى امه ونومس شايبه.
عن دروب الخير غادي وفي الشدة ذليل=كنه الشيطان لاغاب حطه نايبه.
ماتعود يارد العد مخضوض الصميل=زبدته عند المناقيد صارت رايبه.
مانو ولاقوى يطلع ابراس الطويل=وان بغى يعدي عدى الذيب رجله عايبه.
ان وطاه الحمل ولا رفيقه مايشيل=ماتحزم به رفيقه بوقت النايبه.[/poem]

[align=center]اخوكم الشاعر
عبدالعزيز ال حمد السبيعي[/align]