منتدى المرقاب ومشعان البراق

السلام عليكم ورحمة الله وبركاته

بويتات كانت في مربع التوقيع في فترة رئاسة المبدع مشعان البراق لمنتديات المرقاب والذي

يعلم الله اني اكن التقدير والمحبة لكل اعضاءه بدون استثناء مهما تباينت الافكار والرؤى

وضعتها هنا للتواصل ارجو ان تنال بعض القبول



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عن الموقع اللي تنحني تحته الابراج = حدتني ظروف الوقت مير الله يخارج
ليا قلت يالمرقاب انا شفي المنهاج = وسقت القدم من داخل حماك للخارج
لقيت القدم تنصاك والدرب لك ينعاج = ولقيتك تفّرج ضيقتي والله الفارج
والا ياهل المرقاب والقلب ما يحتاج = تشرّب غلاكم ماحسب هرجة الهارج
قضيت ازود من العام بربوعكم سجّاج = لقيت التسامح والوفا بينكم دارج
ولقيت المكان اللي جمع كل طلق حجاج = وحر ٍ لخيل الفكر والمعرفة سارج
ربوع ٍ عليها من علوم الرجال سياج = وصفوة نشامى ما بهم حاقد ٍ مارج
سموا بالبيوت اللي سنا ابداعها وهاج = ونسيم الجزالة للسنا دايم يسارج
ختاما ...وفود الود ومن السلام افواج = تنصّاك يامشعان ياراعي المارج
[/poem]