صــوت وصـــدى...

[align=center]
[grade="FFA500 8B0000 FFA500 8B0000"]
مساجله بها نوع من الطرافه حيث ارسل الشاعر الكبير رجا بن خليف المهلكي المطيري
مندوبه على طائرهـ حربيه إف52 وكان في وقتها قد تأثر من الغزو الامريكي على افغانستان
الا ان كابتن الطائرهـ لم يكن امريكي بل كان الأشقاء المصريين..ولم يكن في حسبانه ان بإمكاننا
التصدي لهذهـ الطائرهـ وغيرها..وعندما حاولنا أن نجرب شيء من اسلحتنا..الحديثه
.. او ..التقليديه ..رأينا انه لا يستطيع مقاومة شيء من ذلك..فأرسلنا له ما يشفي غليلنا منه
دون ان يصيبه أي مكروه..نظرا لمكانته في قلوبنا..ورأفتنا به..

,وإليكم الصوت والصدى ..أرجووو أن تنال أعجابكم...[/grade]



الــصـــووووت

[poem=font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تولم يا نديبي فوق ففتي تو عملاقه=تشيل من القنابل ما تشيل وزيدهـن صاروخ
على وضح النقى سيروكفوف النصر صفاقه=قنابلها على الليزر تولم يالولد شمروخ
ترى اللي وزنها سبعه طنون تسبب ارهاقه=وانا والله مابيه يموت مير اعطوه لين يدوخ
ابيها تقربه وتروعه وتشين اخلاقه=وابيها تشعل النيران من حوله سوات الجوخ
اذا ثار انفجار القنبله حوله ركز ساقه=يروح هلال من ماشاف مثل الحاشي المفلوخ
يصيح ويعتزي ويقول صيحوا خيل الناقه=ويمسح جبهته ويقول حمدالله مغير فضوخ
لو ان الدم من راسه سفايح واللهب ذاقه=ويونس له بروده بالعظام وبالجنوب رضوخ
ابيه يذوق طعم الخوف يجري داخل اعماقه=لو انه عندنا رجل شجيع وشاعر مطنوخ
بعدها دمر اعتادهـ ودمر مصدر الطاقه=وعبر مكبرات الصوت قل ذق زادك المطبوخ
لكن اذا هدا روعه وفاق وصار في فاقه=انزله بدال القنبله جبنه وحبة خوخ[/poem]


الـــصـــدى


[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تريح يا نديب المهلكي يا عاقب الساقه= ورا عمك يكلف بالمهمه واحد مدلوخ
اظنه ما يعرف ان الدفاع نوقت اطلاقه=على صد الهجوم وضربة الكابتن على النافوخ
جواسيس اجهزتنا طالعين بجنب سواقه=لحفظ الأمن نرصد بالفضا للمعتدين فخوخ
لكن اذا اختطفنا الطايرهـ ما نقطع ارزاقه=تعود لقاعدتها سالمه وجناحها مشلوخ
لجل يندم على فعله ويشبع من تصلفاقه=وتبقى مشكله وشلون نحيي قلبه المفضوخ
من الاسطول لو ارسلتله سي أي حراقه=لهب نيرانها يشويه شوي السحلي المصلوخ
ولو ارسل عليه مدرعه للأرض خراقه=هلك .(.م ).وراح (..ص.).يشكي ضرسه المكلوخ
ولو ارسلت خيل مسرجه ورماح زراقه=يفر من الصعابيه وينزل من ورا صلبوخ
ابرسله بعوضه تشغله وتسبب اقلاقه=يكامخها على الجدران يا كامخ و يا مكموخ
يرش فليت ويلف اللحاف ويغلق الطاقه=ولامنه صحي واذا بجسمه كلبوهـ نفوخ
سبايب نامس ما يقتله ريد وتنشاقه=مطعّم ضد الانواع المبيدهـ يوم كان فروخ
صغير الحجم لكن نامس سبحان خلاقه=يبى يصبح رجا عقبه سوات اللستك المنفوخ
ما دام انه بدا بالغطرسه وابدى تترياقه=يوراله بنفسه لو لسانه ما يحب اللوخ
يبي عسر الكلام يردني لا انشف ارياقه=مثل علخ وعفلخ وعيخه وعيخان ابن فلعوخ
ابيه يتوب ويجدد معي عهده وميثاقه=و لا عاد يحارب العين البصيره بالعيون الكوخ[/poem]


[grade="00008B 4B0082 0000FF 4B0082"]وســــــــــــــــــــــلامــــــــــــتــــــــــ ــــكم ,,,,,,,,,,,,,,,,,,,[/grade][/align]