!!.. فخرت بْه لو ان الفخر بالأصل لـ..مطير ( مسلّم البرّاك )..!!

يعلم الله انها ماترقى لقامة وهامة النائب الفاضل
لسان الشعب ( مسلم البراك )
ولكنها حضرت هكذا بعد لقائه البارح في قناة الراي !
أتمنى ان تتقبلوها وتستحسنها ذوائقكم ..
.
.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]

وطنّا الولا لك أوّل وثمّ للآمير = ولا والله نساوم على أرضك .. ولا يخفاك
محبّتك وبْلا شرح بانت ولا تبرير= تجلّت صُوَر اخلاصنا يوم لبّيناك
ساعة قمت تزهم جاك من كل ماكر طير = ومن كل حدب وصوب جمع النشاما جاك
أنا اليوم باسمك بمدح اللي لهم تأثير = وأببدا بذكر اللي تحطّه على يمناك
عسى الله يعزّ اللي بذل في الحياه كثير = يوقّف بحزم وعزمُ وب وعي وب ادراك
الى من سكت متأكد ان في سكوته خير = والى من تكلّم ( ياحرامي البلد ) عرّاك
مفوّه ولافي يوم قد خانه التعبير = اذا مااحترمته غصب بتوقّره برضاك
فَخَرت بْه لو ان الفخر بالأصل لمطير = ومعنى الفخر وش هو لولا .. ( مسلّم البرّك )
يابوحمود واصل في دروب البياض السّير = عسى الله يرحم من على المرجله ربّاك
هموم المواطن والوطن في عيونك غير = مواقفْك وحده ماتبدّل هنا وهناك
حملت الثقال ولا تملّل ولا تقصير = تصفّق لك كفوف أصدقائك قبل أعداك
عدوّ الفساد وهدر الأموال والتبذير = والى كل مايِرضِي الضماير تحثّ خطاك
ولا تنتهج سياسة اللف والتخدير = ولا حرّك ( الكرسي ) ثباتك على مبداك
وقفت لـ.. كبار القوم ماتلتفت فـ..صغير = ولا خفت الاّ من ضميرك ومن مولاك
شحذت الهمم للطب والعلم والتعمير = ولـ أجيالنا اللي تعتزي بـ..اسمك وتنخاك
ترا كلّبونا معْك في الشّر قبل الخير = اذا أنكفت ننكف وان تقدّمتنا ويّاك
قد القافله قدّام واللي يصير يصير = خذ أموالنا وأرواحنا .. كلّها تفداك[/poem].

ودمتم