(( أكذب على نفسي إذا قلت بنساك ))

صبحكم الله بالخير

متواضعه للتواصل

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أكذب على نفسي إذا قلت بنساك = وأكذب عليك أن قلت لك روح مابيك
أزعل واعاند وابتعد وتحداك = يومين والثالث بصوتي اناديك
اجيك خاضع (سيدي) تحت يمناك = مثل (العبيد) اللي بحكم (المماليك)
يجيبني (شوقي) و(حبك) وذكراك = و(همسك) و(ضحكك)و(التدلع) وطاريك
من كثر حبي لك ومن كثر ما أبغاك = حتى وانا (مجروح) بالحيل أداريك
اتحمّل جروحك وأدوّر على ارضاك = وأمشي علي كيفك وأتابع خطاويك
أضحك لضحكاتك ويبكيني ابكاك = ويضيق بالي لا لمحت (الحزن) فيك
ماتدري أن (الروح) و(المال) يفداك = وأن (السعاده) كلها بين أياديك
لو شفت حالي يا (الغلا) عقب فرقاك = ماغبت عن (عاشق) جنابك ومغليك
(عاشق) كتب (قصة غرام) بزواياك = وابدع بوصفه في كتابة معاليك
يسهرك ليل أن مر فالبال طرياك = ويلبسك حزن أن جات ذكرى لماضيك
تعال خل (الهجر) لا يضيع مبداك = وأرفق بقلب ن كل ليله يناجيك
قلب ن شكى همّك وضيمك وبلواك = وجروح تنزف من سبايب تجافيك
خلاص يكفي (هجر) عوّد لمرباك = مدامني في الحب للحين شاريك
(الوصل) نعمه و(الجفا) يفرح أعداك = أظن هذي كلمتن من مباديك
أن قلت لك بنساك ما والله أنساك = وأن قلت لك ما أبغاك لا والله أبغيك

وسلامتكم[/poem]