تدرين لاهب نسناس الهوى ويش اقول ؟؟

[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا بايعه للوفاء بعد الرضى والقبول =يا فعل ماضي بدورات الزمان انطوى


قفا نجدد معك حومل وذكرى الدخول =ونبكي على اطلال ذكرانا بسقط اللوى


تدرين لا هب نسناس الهوى ويش اقول؟=الله يذكر زمانن فيه كنا سوى


يومك تشفق ويدفعك الهوى للفضول =وتسأل عن اسرار عاشق في غرامك غوى




يا ريم ! يا ضبي سموك الغزال الجفول =ونا بسميك يا جاهل دروب الهوى !


تعيد دوره وترسب في جميع الفصول =ومالك امل لو بتستهلك جميع القوى


ما يجتمع حب صادق واستماع العذول =ومن يستمع في كلام الناس يا كل هوى


الله هو الي خلقنا مدنا بالعقول =يا فاقد العقل والاحساس مالك دوى


عبيت لك في حشاء صدري جميع الحقول =ورحبت في طيفك العابر ليا من ضوى


وسلمت لك قلب لا كبرت يشيل الحمول =وعلقت سير المحبه فيك لين التوى


وسهلت لك في بداياتك نقاط الوصول =بسهل طريقه معي تاصل لعد الروى


غيرك تعب فالمحبه من نزول لنزول =اما حصل في فؤاده جرح ولا انكوى

لوشدني بالمحبه ضحك ثغرن خجول = ماكل من تبتسم لي جت على المستوى

قد كنتي اغلى بشر عندي ما بعد الرسول =اغلى من امي وابويه ونتي المحتوى





لو بتكلم واعبر لك وشرحي يطول =ما عاد ينفع ونجمك بالسماء قد هوى


يا كم تعابير في صدري عشانك تجول =اعجز عن الترجمه والقلب يا كم نوى


ابسألك واختصرها كان عندك حلول =اخر مراحل وصلت الها وذيبي عوى


كانك كما قلت لي بأنك تعرف الاصول =شف يابس الريق يقتله العطش ما ارتوى


كل الادله تجي ضدك بعد وش تقول =ما فيه داعي نكمل سالفتنا سوى


[/poem]