خيانة خيال ..!

انتي اللي حزينه .. ولاّ انا اللي حزيـن
ما انتظرت الاجابه .. قبل طرح السؤال؟
مرّري طيش قلبك .. دام عقلي رزيـن
اسألتنا قصيـرة .. وأجوبتنـا طـوال!
ما شرحتنا المحبّه .. لو شرحنـا الحنيـن
ولا فهمتنا الليالي .. كان باقـي ليـال!
فـي بدايـة نهايـة حبنـا .. واقفيـن
كل واحد ما وده يفتح (ا)لهـا مجـال!
لكـن انهـا بتبـدأ لـو تمـرّ السنيـن
لا أنادي تعالـي .. لا تنـادي تعـال!
انتهينا .. وكـلٍ فـي عيونـه سجيـن
دمع بعث المفارق .. دمع موت الوصال!
انتهينا .. وكلٍ لـ( المواجـع ) مديـن
بـ/ آهتينٍ سمان .. وبسمتيـنٍ هـزال!
انتهينا .. وكـلٍ مـن يدينـه طعيـن
ما صدمتنا الحقيقة .. بس خان الخيـال!
انتهينـا .. ولكـن ليتنـا منتهـيـن
قبل ابادلك هـمّ التربيـة .. والعيـال!
قبل اجاوبك تـم .. وتـوّك بتسأليـن
قبل لا نحسب الممكـن يهـزم المحـال!
قبل نزعل في حينٍ .. ونتراضى في حيـن
قبل بالضحك ننهي همهمات الجـدال!
قبل نبكي بعينٍ .. ونتبسّـم بـ/ عيـن
قبل ربط المشاعر بإختـلاف الخصـال!
لكن انّـه مقـدّر .. والله اللـي يعيـن
النفوس الخفيفة .. والعقـول الثقـال!
ما فطنّا .. وقلب البعـد قلـبٍ فطيـن
حين غرّة سرقنا .. ما سرق بالعـدال!!





لله درك يا أخي و كفى .. !!