اطيب من اللي يبذل المال والجاه

[align=center]السلام عليكم ورحمة الله وبركاتة

هذه القصيدة المتواضعه ماهي الا إهداء إلى رجل المكارم والصفات الحميده

الذي بذل مالم يستطع بذله الكثير وقام بعمل بطولي اسأل الله العلي القدير أن يكتب له الاجر والثواب ويجزاه خير الجزاء

هي اهداء الى الاخ / نادر بن سالم العضياني الذي قام بالتبرع بكليته إلى أخية صالح بن سالم العضياني الذي عانى من المرض وقت طويل نتمنى له الشفاء العاجل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الجود بيت وكل الاجواد تنصاه= والبخل بيتٍ مايذري ستاره
من ماضي الايام نسمع وقلناه=هذي سمات الطيب هذا اشعاره
يالله ياللي كل الامه ترجاه=ياخالق المخلوق عندك قراره
انك تعز اللي على الطيب مبداه=في مبتدا عمره طلع له نماره
يالله تحفظه ياوليه وتحماه=اللي فعل له فعل صعب اقتداره
يوم ان اخوه مع المرض له معناه=محدٍ جزع فيه ولاحد شب ناره
يسهر معه ليله من الهم يرعاه=ودموع عينه كل ليل بغزاره
والحمد لله حقق اللي تمناه=كسبها ثنتين ماهي تجاره
الاوله الاجر من عند مولاه=والثانيه فعل عليه الاماره
قليل من فالوقت سوا سوياه= نادر سنام الطيب ساسه وكاره
كم واحد وده ولاهوب وياه= يفعل فعول اللي فعوله جداره
اطيب من اللي يبذل المال والجاه= واطيب من اللي قام واهدا عماره
لون هذا الفعل مابه مضاهاه= ولا هو فعل من شان كسب افتخاره
مابينهن بين الخلايق مساواه =فعل مع الافعال نال الصداره
بين العرب قليل والله حلاياه=نادر على اسمك والفعل ذا نداره
والطيب هذا الطيب ياللي تهقواه=والله يبيض وجه من عز جاره
والحمد لله صالح اليوم شافاه=تبدلت سود الليال بنهاره
الحمد لله يوم في خير شفناه=ادعي لك المعبود سر وجهاره
وختامها مالاح برق ونثر ماه= صلوا على محمد نبي الطهاره[/poem][/align]