بــقايا معشــوق.....!

[align=center]بسم الله الرحمن الرحيم

السلام عليكم ورحمة الله وبركاته
صبّحكم الله ومسّاكم ..بكل خير


متـــواضعــه..اتــمنى رقيّها للذائـقه الراقيــه


صلوا على محمد,,,, [/align]






[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
مغمور وابيات القصيد اعشقتني..=..وذنب القصيد بحرفي اليوم مغفور
ما ادري الجزاله من بحرها سقتني..=..والا جروح الوقت فيني لها دور
بس الاكيد ان الضروف اكتبتني..=..على غلاف الحزن واغتالت النور
هي تحسب ان حمولها متعبتني..=..وانا الذي صبري على الضيق مخبور
اطوي مسافات الشقا لا احتوتني..=..وآطا جلاميد الحصا واقطع البور
وآقف بوجه المعضله لا لفتني..=..لو كان مابيني ولا بينها سور
ولا اطيح لو ان السنين اكسرتني..=..متمسكٍ بعزومي اللي لها دور
بعزومي اللي فاللقا ساندتني..=..آقف و لا كني من الوقت مكسور
كله عشان اللي تعب ما شمتني..=..اللي يموت ان كنت مبهج و مسرور
اللي اليا قفيت عنّه بهتني..=..اللي اليا من طاح ما عنه مذكور
اللي يحسب ان هرجته نقصتني..=..ولا درا اني بالذي قال ماجور
عساه فدوة جادلٍ عذبتني..=..اللي لها ميزه على باقي الحور
اللي من اول يوم جتني سبتني..=..معها غدا حالي كما حال مسحور
اتبع خطاها وين ما وجهتني..=..كني على دربٍ مشت فيه مجبور
شفي رضاها لوها زعلتني..=..ومن دونها عمري متاهات وقبور
يا ما عن شموس الشقا ظللتني..=..وياما نبت في فيّها ورد وزهور
واليا ضميت ! من التفاؤل سقتني..=..وأضفت علي باحساسها غيمة شعور
يشحب زماني لا غدت واهجرتني..=..ويضيق وسع الكون واحزاني تفور
واسمع صدا حزن الفرح لا جفتني..=..حتى الفرح يحزن ويغتاض ويثور
وتقبل ليالي ضيقتي ثم طوتني..=..على الاسا والهم والجرح والجور
وذكرا اللقا لامن لفت واعترتني..=..ضحكت والعبره لها جوفي حضور
اضحك لو ظروف السعاده نفتني..=.. ولو الفرح في ساحة البعد مكسور
يا ليتها في يوم ما واجهتني..=.. ويا ليتني في ما مضا كنت مقبور
اخير من لحظة لقا واتعبتني..=..لحظه ولكن كنها عدة شهور
واعدتها والمشكله وادعتني..=.. وانصكت ابواب الرجا وانطفا النور
من دونها صدوف الزمان اجبرتني..=.. ومن هجرها حبري على الطرس منثور
بنتٍ بها كل النفوس احسدتني..=..راحت وخلتني من البعد منحور
وخذت جميع اللي قبل قد عطتني..=..واللي بقا رمحٍ نشب داخل الزور[/poem]


[align=center]
وسلامتــــــكم[/align]