قلت نوّه بالخبر يا مستشار

السلام عليكم ورحمة الله وبركاته

الشاعر المعروف هتاش الهروال من الشعراء الكبار

شاعر يحرص الكثير على سماع قصائده

احببت ان اتحف المرقاب ومرتاديه بأحدى فرايده

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يوم أشار المستشار وقال قول=قلت نوّه بالخبر يا مستشار
دام أنا وياك في حالت ذهول=والحقيقه بيننا مثل النهار
ودنا نقضي المشاكل بالحلول=لين ما يبقى على القصه غبار
يومها نعطي الرساله للرسول=ونتمسك في النهايه بالقرار
حينها نرقى بعد هاك النزول=ونتخطى جبهت الغازي جهار
هاذي اللي ترضي القلب الزعول=حين يأخذ له من الأيام ثار
يصبح الخفاق في العليا يجول=ناسي اللي في قديم الوقت صار
كل ما آقف للسعاده في القبول=في اليمين تروح وابقى في اليسار
عشت في حضن الندم عشرين حول=ما كتبلي في مغازيّ إنتصار
درت بلدان العرب عرضٍ وطول=أتنقل من مطار إلى مطار
في طلب هيماً علي مثلي جفول=ترتكب عني إليا أقبلت الفرر
دللت غيري بزينات الدلول=تختصر له طايل الدرب إختصار
وفرشت له عقر داره بالزلول=وجعلت له مع هل الأشوار شار
ولبست له فوق زين اللبس لول=واشعلت له في سواد الليل نار
ورخصت مقدار ذربين الفعول=ما تعاينهم بعين الإعتبار
لعن ابوها مالها طرف خجول=سعد من هو من بلاويها مجار
ما رمت به فالمزالق والوحول=كل ما ترقى تذبّه فإنحدار
واهني اللي بعشرتها جهول=أو تركها مع قصيرين العمار
ما شكى منها علي حاله ميول=ولا حجز فيها علي الدور إنتظار
ملّ منها صاحب القلب الملول=حار فيها وإختنق والدم فار
مثل حالي كم شكاها من زحول=الرجال اللي لهم قدر ووقار
ما مشت معهم على درب الأصول=عاكستهم بالوقوف وبالمسار
وألبستهم من قديمات السمول=وإحذفتهم بين نار وبين غار
فرقت بين البدايد والشمول=وأخلت الأوكار من شقر الحرار
كم عدى باأطرافها عالم وشول=وكم خذت من مقحمت قحص المهار
اغلقت من دونهم صم القفول=وتركت بعض المراسم والأثار
ذكريات للنواشي ما تزول=مثل جزلآت السوالف والأبار
بس أضن عيون بعض الناس حول=ما يهمه لو تعداه القطار
كنه الي ضاربٍ كاس الكحول=ضاع بين المشترى والمستعار
باردٍ دمه وناشي بالخمول=يضرب الطبله على صوت القيثار
عايشٍ وقته على الساق محمول=ما يهمه لو هوى الوقت إستدار
ما تقول إلاعن الناس معزول=والرجاله مالها فوقه شعار
مادرى إن المرجله عدة حقول=وكل حقلٍ حايلٍ دونه جدار
بس يا صلها شغاميمٍ شبول=ما حداهم دونها قدح الشرار
من صبر يمكن لمقصوده ينول=ومن صبر ياجد ورى الصبر إفتخار[/poem]

وسلامتكم