متضايقة ..

يسعد الله مساكم


.
.

تقبلوا تواضعها


.

.

.








[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حيل متضايقة والضيق ملعون صير = كل ماهز نفسي طاح مكنونها
ليه مايدري عنّي كل صغير وكبير ! = والقصايد جميع الناس يقرونها
شاعرة.. بس لي جنحان عيّت تطير = دام بعض العرب تاكلني عيونها
نابغتهم على الخنسا يفضّل جرير = لين يقطف عشاه ويكسر غصونها
ولاّ أنا بنت من شرّه عليها يغير = يتقي شرّها من ضحكة سنونها
لو حدَتها ظليمة .. عنّها تستدير = موت صدّامها من موت فرعونها
إنت ويش إنت يليّ جبت علم(ن) خطير ! = وتحرث الجمرة اللّي فوق غليونها
فيك ما بان خير ولا صحا بك ضمير = ونفسك لطيب غيرك حدّت قرونها
دام فكّرت من بنات حوّا تغير = إلعنتْك الحظوظ وصرت ملعونها
ما يصير آتضايق منْك ولاّ يصير = ضيقتي فوق صدري هلّت مزونها
والسبب إنت يلّي دون ماتستشير = بعت ليْلتك بعدْ أصبحت مجنونها
بين حلم(ن) جميل وبين واقع مرير = حوّل البعد من دونك ومن دونها
إنت ماكنت غير وباقي الناس غير = كنت طعم الحياه المرّة و لونها
ليلتك ليلها تقفاه ضيقة عصير = وشمسها غابت ولا نامت عيونها
حالها ماتسرّك وإنت مافيك خير = دام مستكثر إنّك تسأل شلونها[/poem]





.

.

.